Венгрия энергетикаһында яңы сығанаҡтар
Венгрия, Европа Берлеге иле-ағзаһы булараҡ, энергетикала яңы сығанаҡтар эҙләүҙә үҙ өлөшөн арттырыу буйынса стратегияла ҡатнаша. 2009 йылда Европа Берлеге энергетикала яңы сығанаҡтар эҙләү тураһында Директива ҡабул итә, уның буйынса 2020 йылға Евроберлектә энергетикала яңы сығанаҡтар өлөшө 20 процентҡа етергә тейеш[1]. 2030 йылға ел көсөн файҙаланып эшләүсе электр станциялары Евроберлектә етештерелгән бөтә электр энергияһының 26 проценттан 35 процентҡа тиклемге өлөшөн етештерергә һәм 56 млрд евро аҡса экономияларға тейеш[2]. 2020 йылда Венгрияла был күрһәткес 14,7 процентҡа етәсәк, тип көтөлә. Әлеге ваҡытта Венгрияла энергетикала яңы сығанаҡтар буйынса күрһәткес Евроберлектә иң түбәне (11 процент). 2015 йылда был күрһәткес 10,5 % тәшкил иткән, шуның 52 проценты биомассанан, 22 проценты — елдән, 7 % — һыу ярҙамында, 3 % — ҡояштан энергия ҡулланып алынған[3].
| Венгрия энергетикаһында яңы сығанаҡтар | |
 | |
| Дәүләт |
.svg){kind=small} Венгрия |
|---|---|
 Венгрия энергетикаһында яңы сығанаҡтар Викимилектә | |
.jpg)
Ел электр станциялары
үҙгәртергәКүҙаллауҙар буйынса, 2010 йылдан алып 2020 йылға тиклем Венгрияла ел электр станцияларының ҡеүәте 400 МВт-ға тиклем артырға тейеш була. 2010 йылда ни бары 295 МВт ҡеүәтенә генә өлгәшәләр[4], һәм артабан бер ниндәй ҙә тендерҙар тәҡдим ителмәй. 2016 йылда Венгрия хөкүмәте яңы ел энергогенераторҙарын ҡороуҙы тыя[5]. Ел электр станцияларының ағымдағы ҡеүәте ил буйынса йәмғеһе 329 МВт тәшкил итә.
| Венгрия ЕС һәм ҡеүәте ветроэнергетика.[6][7][8][9] | ||||||||||||||||
|---|---|---|---|---|---|---|---|---|---|---|---|---|---|---|---|---|
| No | Илдә | 2012 | 2011 | 2010 | 2009 | 2008 | 2007 | 2006 | 2005 | 2004 | 2003 | 2002 | 2001 | 2000 | 1999 | 1998 |
| - | ЕС (илдә 27) | 105,696 | 93,957 | 84,074 | 74,767 | 64,712 | 56,517 | 48,069 | 40,511 | 34,383 | 28,599 | 23,159 | 17,315 | 12,887 | 9,678 | 6,453 |
| 17 | Венгрия | 329 | 329 | 295 | 201 | 127 | 65 | 61 | 17 | 3 | 3 | 3 | 0 | 0 | 0 | 0 |
Ҡояш электр станциялары
үҙгәртергәВенгрияла ҡояш энергетикаһы үҫеше йылдам бара. 2015 йылға 110 МВт ҡеүәтле ҡояш батареялары ҡорола, 2016 йылда был йәһәттән ҡеүәттәрҙе икеләтә арттырыу планлаштырыла[10].
Гидроэлектростанциялар
үҙгәртергә
Венгрия Карпат тауҙары итәгендә урынлашҡан, шуға күрә һыу сығанаҡтары энергияһы бик сикле. Габчиково — Надьмарош дамбаһы проекты уңышһыҙлыҡҡа осрағандан һуң илдә ГЭС төҙөү актуаллеген юғалта һәм йәмғиәттә лә хуплау тапмай. Венгрия хөкүмәте Хорватияға Драва участкаһында дамба төҙөлөшө тураһында һүҙ алып барыуҙы тыя[11]. Илдә ике ғәйәт ҙур ГЭС — Тисалёк һәм Кишкёр дамбалары бар, уларҙың ҡеүәттәре ярашлы рәүештә 12,5 һәм 28 МВт-ға тигеҙ. Гидроэлектростанцияларға үҙгәртелгән элекке һыу тирмәндәре лә электр энергияһы эшләп сығара.
Геотермаль сығанаҡтар
үҙгәртергәВенгрия республикаһында геотермаль сығанаҡтар йорттарҙы һәм сәнәғәт райондарын йылытыу өсөн файҙаланыла. Турала ҡеүәте 2,6 МВт-ға тигеҙ булған беренсе геотермаль электр станцияһы төҙөлә, һәм ул 2017 йылда сафҡа индерелә[12].
Шулай уҡ ҡара
үҙгәртергә- Венгрияның ҡояш энергетикаһы
- Венгрияның ел энергетикаһы
Иҫкәрмәләр
үҙгәртергә- ↑ 2050 to Policy Energy EU EWEA 2011 march
- ↑ Wind Factsheets Energy, Association Energy European Wind 2010 page 6
- ↑ Hírek — Ipari Társaság Szélenergia Magyar 2017 йыл 12 март архивланған.
- ↑ Wind in power 2010 European statistics EWEA February 2011 page 4
- ↑ A kormány eldöntötte: Magyarországon nem lesz szélenergia — Napi.hu
- ↑ EWEA Staff. Cumulative installed capacity per EU Member State 1998 - 2009 (MW). European Wind Energy Association (2010). Дата обращения: 22 май 2010.
- ↑ EWEA Staff. EWEA Annual Statistics 2010. European Wind Energy Association. Дата обращения: 31 ғинуар 2011.
- ↑ EWEA Staff. EWEA Annual Statistics 2011. European Wind Energy Association. Дата обращения: 18 февраль 2011.
- ↑ Wind in power: 2012 European statistics February 2013
- ↑ Rohamtempóban bővül a hazai napenergia felhasználás | Magyar Építők
- ↑ [1]
- ↑ Official kick-off for Turawell geothermal project in Hungary | Think GeoEnergy — Geothermal Energy News