Бүребай тау-байыҡтырыу комбинаты
Бүребай тау-байыҡтырыу комбинаты (ҡыҫҡартылған исеме: АО «Бүребай ГОК») — Башҡортостандың Хәйбулла районы Бүребай ауылында урынлашҡан предприятие. Баҡыр колчеданы мәғдәнен сығарыу һәм байыҡтырыу, алтын һәм көмөш табыу менән шөғөлләнә.
| Бүребай тау-байыҡтырыу комбинаты | |
| Нигеҙләү датаһы | 1930 |
|---|---|
 | |
 | |
| Дәүләт |
 Рәсәй |
| Ойоштороу-хоҡуҡ формаһы | акционерҙар йәмғиәте |
| Баш компания (ойошма, предприятие) | Уральская горно-металлургическая компания[d] |
| Штаб-фатирҙың урынлашыуы | Бүребай, Рәсәй |
| Рәсми сайт | bgok.ru |
 Бүребай тау-байыҡтырыу комбинаты Викимилектә | |
Тарихы
үҙгәртергә1930 йылда алтын сығарыу буйынса прииск ойошторолған.
1942 йылда прииск базаһында Бүребай мәғдән идаралығы булдырыла.
1995 йылдан — «Бүребай мәғдән идаралығы» асыҡ акционерҙар йәмғиәте, 1996 йылдан — ябыҡ акционерҙар йәмғиәте. 2000 йылдан хәҙерге исем менән йөрөй.
2004 йылдан Бүребай тау-байыҡтырыу комбинаты Урал тау-металлургия компанияһы сеймал комплексы составында.
2007 йылда байыҡтырыу фабрикаһы реконструкциялауға дусар була. Флотация бүлексәһе паркы тулыһынса яңыртыла, ике мең тонна һыйҙырышлы яңы аккумулятор бункеры сафҡа индерелә[1].
Тасуирлама
үҙгәртергәПредприятие составына түбәндәге производство участкалары инә:
- «Октябрь» ер аҫты руднигы (1976 йылдан алып файҙаланыла),
- байыҡтырыу фабрикаһы (1936 йылда нигеҙ һалынған),
- транспорт цехы,
- ремонт-механик цехы,
- ремонт-төҙөлөш участкаһы,
- химик лаборатория,
- энергоцех,
- техник контроль бүлеге.
Предприятиеның сеймал базаһы булып Бүребай, Маҡан, Октябрьск баҡыр колчеданы ятҡылыҡтары тора. Һуңғыһы Бүребай мәғдән районының көнсығыш өлөшөндә урынлашҡан, ә уның баланс запастары 10 млн тонна мәғдән тәшкил итә.
Комбинат сығарған тауар продукциялары:
- баҡыр концентраты (концентрат маркаһы КМ−5, 2008 йылғы ГОСТ Р 52998 тап килә. Баҡырҙың масса өлөшө 20%-тан кәм түгел)
- цинк концентраты (концентрат маркаһы КЦ-4, ТУ 48-6-117-90 тап килә, цинктың масса өлөшө 47%-тан кәм түгел)
2013 йылдың апрелендә сығарған баҡыр мәғдәне 20,7 мең тонна тәшкил итә, баҡыр мәғдәнен эшкәртеү — 20,9 мең тонна.
Һылтанмалар
үҙгәртергә- Башҡортостан энциклопедияһында мәҡәлә(недоступная ссылка) (баш.)(баш.)
- http://www.agidel.ru/?param1=23950&tab=3 2016 йыл 4 март архивланған.
- http://ufa.kp.ru/daily/25742.4/2730652/
- http://bgok.ru/story2.php 2012 йыл 16 ғинуар архивланған. история