Батырҙар үлмәй (мемориаль комплекс)
«Батырҙар үлмәй» — Ростов өлкәһе Боковский районының Боковская станицаһындағы мемориаль комплекс
| Батырҙар үлмәй | |
| Дәүләт |
 Рәсәй |
|---|---|
| Административ-территориаль берәмек | Боковская[d] |
| Барлыҡҡа килгән, эшләнгән | бронза |
 | |
Тарихы
үҙгәртергәБөйөк Ватан һуғышы йылдарында Ростов өлкәһенең Боковский районы территорияһында көсөргәнешле һуғыштар бара. Совет ғәскәрҙәре күп юғалтыуҙар кисерә, әммә улар бирешмәй, еңеү яулай. Боковский районындағы алыштар Сталинград һуғышына старт бирә. Бынан совет ғәскәрҙәре дошманды ҡыуа башлай.
Боковская станицаһында һуғыш ваҡиғаларына һәм 1942 йылдың декабрендә Боковский районын азат иткәндә һәләк булғандарға арналған «Батырҙар үлмәй» мемориаль комплексы 1983 йылда асыла. Мемориаль комплексты Луганск художество фонды коллективы төҙөй.
Мемориаль комплекста Советтар Союзы батырҙарының бюстары ҡуйылған. Батырҙар араһында:
- Сергеев Николай Александрович (1908—1942).1942 йылдың 16-17 декабрендә Астахов утары районында полк командиры Сергеев танкта подразделениены һуғышҡа әйҙәй. Беренсе һөжүмдә урта калибрлы пушкаларҙың 2 батареяһы, 6 танкка ҡаршы орудие һәм дошман пехотаһының батальоны тиерлек юҡҡа сығарыла. Танкыға ҡаршы батареяға һөжүм иткәндә Сергеевтың танкы яна. Янған аяҡтары менән офицер икенсе танкығы ултыра һәм полкты яңынан һуғышҡа әйҙәй. Икенсе һөжүмдән һуң Астахов утары азат ителә.
- Борис Иванович (1923—1981).
- Нуркен Абдирович Абдиров (1919—1942). Ил-2 самолетында бер нисә танкты һәм егермеләп ашыу автомобилде юҡҡа сығара. 1942 йылдың 19 декабрендә Коньки ауылы (Боковский районы, Ростов өлкәһе) эргәһендә дошман позицияларына һөжүм иткәндә уның самолеты бәреп төшөрөлә һәм яна. Абдиров янған самолетын дошман танкылары колоннаһына йүнәлтә.
- Позолотин Тимофей Семенович (1908—1943).
- Соловьев Александр Александрович (1907—1942). 1941 йылдың 14 июлендә Боковская станицаһында хәрби задание үтәгәндә һәләк була, дошмандың өс самолетын бәреп төшөрә.
- Яков Платонович Телеченко (1913—1973) — Ростов өлкәһенең Боковский районындағы Пономаревка утарында тыуған
Я.П. Телеченко бюсы төбәк әһәмиәтендәге мәҙәни мираҫ объекты булып тора (халыҡ депутаттарының Ростов өлкә советы Кесе советының 17.12.1992 йылдағы 325-се ҡарары).
Тасуирламаһы
үҙгәртергәМемориал ҡалҡыулыҡта урынлашҡан бетон стенанан ғибәрәт. Стенала «Батырҙар үлмәй» тип яҙылған, өҫтә күләмле хәрефтәр менән «1941—1945» тип яҙылған. Стена алдында постаменттарҙа батырҙарҙың бронза бюстары ҡуйылған. Комплекс янындағы биләмә төҙөкләндерелгән.