Балапанов Малик Хәмит улы
Балапанов Малик Хәмит улы (19 ноябрь 1958 йыл) — ғалим-физик. Физика-математика фәндәре докторы (2007), профессор (2009). Башҡортостан Республикаһының мәғариф отличнигы (2004).
| Балапанов Малик Хәмит улы | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 19 ноябрь 1958 (65 йәш) |
| Тыуған урыны | Өфө, РСФСР, СССР |
| Һөнәр төрө | физик |
| Эш урыны | Башҡорт дәүләт университеты |
| Уҡыу йорто | Башҡорт дәүләт университеты |
| Ғилми дәрәжә | физика-математика фәндәре докторы[d] |
Биографияһы
үҙгәртергәМалик Хәмит улы Балапанов 1958 йылдың 19 ноябрендә Башҡорт АССР-ының Баймаҡ ҡалаһында тыуған[1]. 1981 йылда Башҡорт дәүләт университетын тамамғандан һуң «Кабель» конструкторлыҡ бюроһында эшләй. 1988 йылдан алып БДУ-ла: башта — өлкән ғилми хеҙмәткәре, 2006—2008 йылдарҙа — физика факультеты деканы урынбаҫары, 2010 йылдан башлап Физик-техник институтының дөйөм физика кафедраһы мөдире. Кафедра тамамлаусылары юғары уҡыу йорттарында, академик ғилми-тикшеренеү институттарында, завод лабораторияларында һәм конструкторлыҡ бюроларҙа, колледжарҙа, идар итеү һәм мәғариф өлкәләрендә эшләйҙәр[2].
2013 йылдан — уҡыу-уҡытыу эштәре буйынса проректор[3].
Фәнни эшмәкәрлеге ионлы ғәҙәттән тыш үткәргестәр физикаһы менән бәйле. Балапанов ҡаты иретмәләрҙең суперионлы фазаларын тикшерә һәм ионлы үткәреүсәнлек дәүмәле менән куб фазалы рәшәткәнең йылылыҡтан һыҙыҡлы киңәйеүе коэффициенты араһында бәйләнеш таба[1].
110-дан ашыу фәнни хеҙмәт һәм 1 уйлап табыу авторы.
Төп ғилми эше: Влияние размеров зёрен на диффузионные процессы в суперионных фазах Cu1.75Se, Li0.25Cu1.75Se, Li0.25Cu1.75S //Электрохимия. 2007. Т.43. № 5; Ionic conductivity and chemical diffusion in superionic LixCu2—xS (0<x<0.25) //Physica status solidi (b). 2004. Vol.241. № 1 (авторҙаш)[1].
Иҫкәрмәләр
үҙгәртергә- ↑ 1,0 1,1 1,2 «Башҡортостан» төбәк интерактив энциклопедик порталы. Балапанов Малик Хәмит улы (Тикшерелеү көнө: 18 ноябрь 2023)
- ↑ Кафедра общей физики 2019 йыл 21 ноябрь архивланған.
- ↑ На должность проректора БашГУ по учебной работе назначен Малик Балапанов 2019 йыл 12 ноябрь архивланған.
Һылтанмалар
үҙгәртергә- Балапанов Малик Хәмит улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 18 ноябрь 2023)