Алмалыҡ (Өфөнөң тораҡ биҫтәһе)

Алмалы́ҡ (башҡ. Алмалыҡ) — Өфө ҡалаһыныңКиров районындағы тораҡ районы.

Алмалыҡ
Алмалыҡ
Дәүләт	Рәсәй

Тарихы

Тораҡ районы элекке Золотухин слободаһынан, Өфөнөң иҫке Оло Усолка урамы (хәҙер Сочи урамы) янында урынлашҡан.

Исеменең килеп сығышы

Башҡорт телендәге алмалыҡ, йәғни алма баҡсаһы (яблоневый) һүҙе атама итеп алынған.

Урынлашыуы

Ҡаланың көньяҡ-көнсығышында, Ағиҙел йылғаһы бөгөлөндә, уға ҡойған Соҡолаҡ йылғасығы тамағынан алыҫ түгел урын, Йүрүҙән, Дуҫлыҡ-2 һәм әлеге мәлдә төҙөлөш эштәре барған Көньяҡ-2 биҫтәләренә күрше генә ята.

Соҡалаҡ тамағын үткәс, тораҡ биҫтәһенең төньяғында ике магистраль юл араһында ята: кәньяҡ-көнбайыштан — Пугачёв Слободаһы урамы (Алмалыҡ районы һәм Ағиҙел араһында), төньяҡ-көнсығыштан — Софья Перовская урамына күскән Сочи урамы.

Золотухин слободаһын (тораҡ биҫтәһенең төньяғы) һәм Алмалыҡ-1 (көньяҡ-көнсығыш), Алмалыҡ-2 (үҙәк-төньяҡ), Алмалык-3 (үҙәк-көньяҡ), Алмалыҡ-4 (көньяҡ-көнбайыш), Алмалыҡ-5 (көнбайыш) биҫтәләрен үҙ эсенә ала.

Объекттары

Тораҡ биҫтәһендә Сауҙа үҙәге, Ял итеү үҙәге (А-5), балалар поликлиникаһы (А-1), ресторан (А-2) һәм башҡа төкәтеп эшләнгән хеҙмәт күрһәтеү һәм мәшғүллек учреждениелары: аҙыҡ-түлек һәм сәнәғәт тауарҙары магазиндары, көнкүреш хеҙмәте күрһәтеү предприятиялары, офистар бар.

Тораҡ биҫтәһендә шәхси йорттар байтаҡ. Был йорттарҙың бер өлөшө иҫке йорттарҙы күсереү программаһына ҡарай («2007—2015 йылдарға Башҡортостан Республикаһы Өфө ҡалаһы ҡала округының йорттар биләгән территорияларын үҫтереү» муниципаль адреслы программаһы). 400-гә яҡын шәхси йортто күсергәндән һуң 7-меңдән ашыу кешегә иҫәпләнгән күп ҡатлы (20 ҡатҡа тиклем бейеклектә) йорттар төҙөләсәк, шулай уҡ тораҡ биҫтәһенән Көньяҡ һәм Колгуевка биҫтәләре йүнәлешендә биҫтә әһәмиәтендәге магистраль юл һалынасаҡ.

Йәшел зоналар тораҡ биҫтәһенең төньяғында Пугачёв Слободаһы, Ашхабад, Пулемёт урамдары буйлап һәм биҫтәнән көньяҡҡа табан урынлашҡан (улар Алмалыҡты Көньяҡ биҫтәһенән айырып тора).

Тораҡ биҫтәһенең көньяҡ-көнбайышында Авторемонт заводы һәм 3-сө пристань, көньяҡ-көнсығышында — Башҡортостан Республикаһы Эске эштәр министрлығының РСУ-һы, төньяҡта — офис-келәт зонаһы.

Иҫтәлекле урындары

• «Ихлас» мәсете, Исламға арнап 1997 йылда ҡуйылған ярымай формаһында монумент (Сочи урамы,43)
• Ике иҫке бина эргәһендә заманса архитектура ҡулланып төҙөлгән яңы йорт тора (Сочи урамы,10)

Урамдар

Тораҡ биҫтәһендә түбәндәге урамдар бар:

• 1-я Нагорная (А-1, А-3)
• Абаканская (А-1, А-3)
• Авиаторская (А-2)
• Аргаяшская (ЗС)
• Ашхабадская (А-5)
• Грузинская (А-4, А-5)
• Зилаирская (ЗС)
• Кавказская (ЗС, А-2)
• Набережная (ЗС)
• Некрасова (А-1)
• Нечаева (А-3, А-4, А-5)
• Павловская (А-5)
• Пугачёвская Слобода (ЗС, А-4, А-5)
• Пулемётная (А-3)
• Софьи Перовской (А-1)
• Сочинская (ЗС, А-2)
• Тамьян-Китайская (ЗС, А-2)
• Усольская (ЗС, А-2)
• Читинская (ЗС)
• переулок 2-й Дуванский (А-1)
• переулок Абаканский (А-4)
• переулок Зилаирский (ЗС)
• переулок Некрасова (А-1)

Галерея

• Мечеть «Ихлас»
  Мечеть «Ихлас»

Әҙәбиәт

• Уфимская неделя № 29 12-18.07.2001 г.

Һылтанмалар

• Алмалык на Викимапии

Шулай уҡ ҡара

• микрорайоны Алмалык
• Кировский район Уфы