Аликин Владимир Александрович

Аликин Владимир Александрович (12 сентябрь 1937) — совет һәм хужалыҡ эшмәкәре, инженер. «Почёт Билдәһе» ордены кавалеры, Башҡорт АССР-ының 12-се саҡырылыш Юғары Советы депутаты. Милләте - урыҫ.

Аликин Владимир Александрович
Заты	ир-ат
Гражданлығы	СССР  Рәсәй
Тыуған көнө	12 сентябрь 1937({{padleft:1937|4|0}}-{{padleft:9|2|0}}-{{padleft:12|2|0}}) (83 йәш)
Тыуған урыны	СССР, РСФСР, Свердловск өлкәһе, Пермь
Һөнәр төрө	инженер-технолог
Биләгән вазифаһы	Башҡортостан Республикаһының халыҡ депутаты
Уҡыу йорто	Өфө дәүләт авиация техник университеты

Биографияһы

Владимир Александрович Аликин 1937 йылдың 12 сентябрендә Пермь ҡалаһында донъяға килгән.

1965 йылда Өфө авиация институтын тамамлаған.

Хеҙмәт юлын 1957 йылда, Пермь авиация техникумын тамамлағандан һуң тыуған ҡалаһында заводта бригадир, цех мастеры булып эшләй башлаған.

1957 - 1959 йылдарҙа совет армияһы сафтарында хеҙмәт итә. Унан ҡайтҡас Өфө моторҙар эшләү производство берекмәһендә технолог, өлкән технолог, техник бюро начальнигы, цех начальнигы урынбаҫары булып эшләй.

1971 - 1985 йылдарҙа Өфө моторҙар эшләү производство берекмәһе предприятиеһында цех начальнигы, баш инженер урынбаҫары вазифаһында эшләй.

1985 1991 йылдарҙа — баш инженер, баш инженер урынбаҫары, УМПО-ла ҡеүәттәрҙе үҙләштереү бүлегенең бюро начальнигы вазифаһын биләй.

1991 йылдан «"Восток" акционер сауҙа-сәнәғәт йорто» акционер йәмғиәтенең генераль директоры итеп тәғәйенләнә.

Башҡортостан Республикаһының Юғары Советы Президиумы ағзаһы булған

Өфө ҡалаһының Калинин районы, 12-се Феринск һайлау округы буйынса БАССР-ҙың 12-се саҡырылыш Юғары Советы депутаты итеп һайлана.

Маҡтаулы исемдәре һәм бүләктәре

• «Почет Билдәһе» ордены
• Миҙалдар

Ҡарағыҙ

• БАССР-ҙың 12-се саҡырылыш Юғары Советы депутаттары исемлеге

Сығанаҡтар

• Народные депутаты Республики Башкортостан. Двенадцатый созыв. - Уфа, Китап, 1994. - с. 104

Һылтанмалар

• 12 созыв (БАССР)