Алеви сиркәүе

Алеви ауылында Троица сиркәүе -иртә урта быуат грузин православ сиркәүе, Көньяҡ Осетияла Ахалгори муниципалитетының Алеви ауылында урынлашған, диңгеҙ кимәленән 2000 м бейеклектә тора. Ул Алтын Троица сиркәүе булараҡ та билдәле.

Архитектураһы

Сиркәү колонналарға таянған тура мөйөшлө апсида һәм торбалар менән төкәтмәләрҙән тора. Көньяҡ һәм төньяҡ диуарҙарында пилястрҙар бар. Үҙәк залы төньяҡ, көнбайыш һәм көньяҡ яҡта төкәтмәләргә эйә, ул яҡтан ихатаға сығыу урындары уйылған. Алеви Троица сиркәүе яҡшы оҙонса таштарҙан төҙөлгән һәм уның фасадтары бар.

Ҡорам сланецтан төҙөлгән кәртә менән уратып алынған, кәртә эсендә бер нисә ҡоролма бар. Көньяҡ яҡта оҙонса тар ике ҡатлы бина урынлашҡан. Аҫҡа ҡатында ер аҫты юлы булған. Ҡоймалар артында ҡырҡҡа яҡын келәт биналары урынлашҡан. Троица ҡорамы монастырь тойғоһо ҡалдыра.

Тарихы

Төп сиркәү VIII-IX быуаттарға, ә бәләкәйе – X быуатҡа ҡарай, әммә Димитрий Бакрадзе Алеви сиркәүен Давид Төҙөүсе кешеләре төҙөгән тип хәбәр итә. Алеви Троицаһының бай һөрөнтө ерҙәре булған. Сиркәүҙә күп өлөшөндә XIX быуаттың ҡиммәтле әйберҙәре һаҡланған. Ҡайһы берҙәре 1870 йылда юҡҡа сыға, уларҙы Платон Иоселиани, Эквтиме Такаишвили тасуирлай.

Ҡорам һәм ҡойма 2006 йылда президент указына ярашлы дәүләт әһәмиәтендәге мәҙәни ҡомартҡы категорияһына индерелә.

Грузияның мәҙәни мираҫ ҡомартҡыларын һаҡлау буйынса Милли агентлыҡ 2014 йылда ҡомартҡыны тергеҙеү эштәрен башлай.

Шулай уҡ ҡарағыҙ

• Список недвижимых памятников культуры национального значения

Һылтанмалар

• შეგიძლიათ იხილოთ მედიაფაილები თემაზე „ალევის ეკლესია“ ვიკისაწყობში.
• ქსნის ხეობის ძეგლები - ჯ. გვასალია // Saunje.ge
• ალევის „ოქროსკარიანი სამება“ ოკუპირებულ ქსნის ხეობაში
• ლექცია ალევის სამების მონასტერში ჩატარებული არქეოლოგიური კვლევა-ძიების შედეგები – ვიდეო

Әҙәбиәт

• ქართული საბჭოთა ენციკლოპედია, ტ. 1, გვ. 287, თბ., 1975 წელი.
• ქსნის ხეობის ძეგლები, «ძეგლის მეგობარი», №. 21, გვ. 13-14, თბ., 1970 წელი.
• ნოდარ ბახტაძე — არქეოლოგიური მონაპოვარი ალევის ყოვლადწმინდა სამების მონასტრიდან.