Өләсәй

Өләсәй — атайҙың йәки әсәйҙең әсәһе, олатайҙың ҡатыны. Ейәндәре булған ҡатын.

Өләсәй яратҡан ейәне менән

Шулай уҡ һөйләшкән ваҡытта өлкән йәштәге инәйҙәргә ихтирам йөҙәнән дә әйтелә.

Синонимдары (урындағы һөйләштәрҙә) — әбей, әзәй, өләсәй, инәй, ҡартәсәй, ҡәртнәй (ҡарт инәй).

Өләсәй менән олатай ғаиләнең ихтирамлы ағзалары булып тора. Күп ғаиләләрҙә балаларҙы тәрбиәләү тап уларға йөкмәтелә. Улар йәшәгән осоронда йыйған тәжрибәләрен ҡулланып, ейән-ейәнсәрҙәрен тәрбиәләй.

Өлгөлө өләсәйҙәр ғаиләлә генә түгел, бар ауылға ағинәй булып иҫәпләнә.

Испанияла йыл һайын 26 июль көнөн өләсәйҙәр һәм олатайҙар көнө тип билдәләнә.

Фәүзиә Ҡотлогилдина. Өләсәй булыуҙары

Их, өләсәй булыуҙары рәхәт икән,

Бер нигә лә алыштырмаҫ бәхет икән!

Был тормошта йәшәүҙәр бит үҙе бәхет,

Ҡәҙерҙәрен генә шуның белһәк икән!

Ейәндәрем-ейәнсәрҙәр балдан татлы,

Уларҙың саф күңелдәре, аяҙ, яҡты!

Раббым бүләктәре менән көндәр йәмле,

Улар менән бергә саҡта ризыҡ тәмле!

Балаларҙың балалары килеп торһон,

Күңелдәргә шатлыҡтарҙы улар һалһын!

Бергә үткәргән көндәрҙән иҫтәлеккә

Хәтерҙәрҙә юйылмаҫлыҡ бер эҙ ҡалһын!

Һылтанмалар

• Степени родства и степени свойства(недоступная ссылка)