Ҡыҙ сатыр бәшмәге

Ҡыҙ сатыр бәшмәге
Фәнни классификация
Батшалыҡ: Бәшмәктәр Бүлексә: Базидиомицеттар Класс: Agaricomycetes Тәртип: Агариков һымаҡтар Ғаилә: Шампиньондар Ырыу: Аҡ шампиньон Төр: Ҡыҙ сатыр бәшмәге
Латинса исеме
Leucoagaricus nympharum (Kalchbr.) Bon, 1977
Синонимы:
Agaricus nympharum Kalchbr. 1873 basionym Agaricus rhacodes var. puellaris Fr., 1863 Lepiota nympharum (Kalchbr.) Kalchbr., 1878 Lepiota densesquamosa Velen., 1920 Leucocoprinus puellaris (Fr.) Locq., 1945 Macrolepiota puellaris (Fr.) Mos., 1967 Macrolepiota nympharum (Kalchbr.) Wasser, 1985

Ҡыҙ сатыр бәшмәге (лат. Macrolepiota puellaris) — базидиомицеттар класының агарик һымаҡтар ғаиләһенә ҡараған бәшмәк.

Таралышы

Европала һәм Алыҫ Көнсығышта таралған. Башҡортостан Республикаһы Белорет районының ылыҫлы һәм ылыҫлы-киң япраҡлы урмандарында августан алып сентябргә тиклем осрай. Аҙ билдәле, ашарға яраҡлы бәшмәк, аҙыҡ итеп сей көйө ҡулланыла. Башҡортостан Республикаһының Ҡыҙыл китабына индерелгән.

Ҡыҫҡаса һүрәтләмә

Эшләпәһенең диам. 4—7 см (ҡайһы берҙә 12‑гә тиклем), сатыр формаһында, сүсле, аҡ төҫтә (өлгөргән бәшмәктеке үҙәгендә һарғылт‑көрән), эре ысҡынмалы өсмөйөш һорғолт тәңкәләр м‑н. Пластинкалары ирекле, аҡһыл төҫтә. Һабы 7—16 см оҙонлоҡта, аҫҡы өлөшөндә ҡалынлығы 1,2—2,2, өҫкөһөндә — 0,6—1,0 см, аҡ төҫтәге ҡуласа менән. Итсәһе (бер аҙ торма еҫе сығып тора) һәм спора онтағы аҡ. Сапротрофтар.

Ҡыҙ сатыр бәшмәге // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.

Һылтанмалар

• Таксономия на сайте www.mycobank.org  (Тикшерелеү көнө: 27 август 2009)
• Гриб-зонтик девичий в Красной книге России  (Тикшерелеү көнө: 27 август 2009)
• Гриб-зонтик девичий в Красной книге Сахалина(недоступная ссылка)  (Тикшерелеү көнө: 27 август 2009)
• Гриб-зонтик девичий в Красной книге Белоруссии(недоступная ссылка)  (Тикшерелеү көнө: 27 август 2009)

Иҫкәрмәләр

Рәсәйҙең Ҡыҙыл китабы төрҙөң статусы күрһәтелмәгән

ИПЭЭ РАН сайтында эҙләргә