Ҡыуыштау мәмерйәһе
Ҡыуыштау — мәмерйә, Башҡортостан Республикаһындағы Иглин районынының Кузнецовка ауылынан 1,5 км алыҫлыҡта Эҫем йылғаһы үҙәненең уң битләүендә урынлашҡан. Карст мәмерйәһе, көңгөр ҡатламының гипс һәм ангидриттарында барлыҡҡа килгән. 1965 йылдан тәбиғәт ҡомартҡыһы.
| Ҡыуыштау | |
| |
| Мәмерйәнең ауыҙы. | |
| Илдә |  Россия
|
| Төбәктә | Башҡортостан Республикаһы |
| Амплитуда | 15. м. |
| Оҙонлоғо | 1094 м |
| Күләме | 9 600 м³ |
Тасуирлама үҙгәртергә
Мәмерйәнең оҙонлоғо 1094 м, киңлеге яҡынса 5 м, бейеклеге 2 м, көньяҡ-көнбайыш йүнәлештә тәрәнәйә бара[1] Ҡыуыштау мәмерйәһе буйлап эстән шундай уҡ атамалы шишмә аға.
Мәмерйә ауыҙынан (киңлеге 7 м, бейеклеге 2,5 м) Алдағы зал башлана. Уның оҙонлоғо 30 м, киңлеге 20 м, бейеклеге 3 м. Артабан Түңәрәктәр залы (киңлеге 20 м, бейеклеге 6 м) урынлашҡан. Ул тәпәш кенә тар ауыҙлы Төп коридорға алып инә. Оҙонлоғо 350 метр, киңлеге 3-10 метр, бейеклеге 2,5-6 метр булған Төп коридорҙың тармаҡтары Сысҡан залын булдыра. Бында быуа ярғанаҡтарыйәшәй. Ундағы Туристар залының оҙонлоғо 40 м, киңлеге 18 м, бейеклеге 10 м самаһы. Уға Ҡыуыш залы тоташа. Бында торлаҡ булыуын таш нигеҙ һәм ағас түшәм ҡалдыҡтары раҫлай. Төп зал мәмерйәнән сығыу юлы менән тамамлана[2].
Иҫкәрмәләр үҙгәртергә
- ↑ Пещера Куэшта. Башкирская энциклопедия. Дата обращения: 11 сентябрь 2017. 2018 йыл 12 июнь архивланған.
- ↑ * Соколов Ю.В., тәрж. Япаров И.М. Ҡыуыштау мәмерйәһе // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.