Ҡоралдар

Ҡоралдар — ул дошмандың тере көсөн һәм инфраструктура объекттарын ҡыйратыу өсөн тәғәйенләнгән техник саралар йәки технологик процестар комплексы. Ҡоралдарға ингән элементтар:

• хәрби припастар, шулай уҡ уларҙы сәпкә илтеүсе саралар;
• тоҫҡау, атыу һәм идара итеү системалары;
• ҡоралды ҡулланыуға әҙерләү саралары.

Кәмәгә ҡаршы вертолётта авиабомбалар

Айырым элементтар ҡоралдар комплексына берләштерелергә мөмкин, мәҫәлән, зенит ракетаһы комплексы, танкыға ҡаршы ракета комплексы.

Ҡоралдар ҡораллы көстәрҙең төрлө төрҙәренә ҡарай, мәҫәлән, ҡоро ер ғәскәрҙәре ҡоралдары, хәрби диңгеҙ флоты ҡоралдары, хәрби һауа көстәре ҡоралдары; йә ғәскәр төрҙәренә ҡарай: мәҫәлән, артиллерия, һауа десанты, инженер ғәскәрҙәре ҡоралдары, ғәскәрҙәрҙе радиацион, химик һәм биологик һаҡлау ҡоралдары. Бынан тыш, ҡоралдар түбәндәгесә классификациялана

• йөрөткөстәр төрө буйынса (танк, карап, авиация),
• зарар килтереү рәүеше буйынса,
• тәғәйенләнеше буйынса,
• зарар килтереү сараларын сәпкә илтеү ысулдары буйынса.

Ҡоралдарҙы ғәҙәттә хәрби техникаға индерәләр, әммә айырым осраҡтарҙа үҙ аллы төшөнсә булараҡ та ҡарайҙар.

Шулай уҡ ҡарағыҙ

• Ҡорал
• Бронялы техника
• Ракета ҡоралдары
• Хәрби техника

Әҙәбиәт

• Вооружение / А. Ю. Кириллов // Великий князь — Восходящий узел орбиты. — М. : Большая российская энциклопедия, 2006. — С. 702. — (Большая российская энциклопедия : [в 35 т.]; vol. 2004—2017, вып. 5). — ISBN 5-85270-334-6.
• Кирпичников А. Н., Медведев А. Ф. Вооружение//Древняя Русь //Город, замок, село. – 1985. – С. 298-363.