Ғәниев Әлмир Әмир улы
Ғәниев Әлмир Әмир улы (24 октябрь 1940 йыл) — ғалим инженер-металлург. Техник фәндәре докторы (2001), профессор (2003). Башҡортостан Республикаһының атҡаҙанған фән эшмәкәре (2007)[1]. 1973 йылдан Өфө авиация институты һәм Өфө дәүләт авиация техник университеты уҡытыусыһы, шул иҫәптән 2001–2009 йылдарҙа иретеү производствоһы машиналары һәм технологияһы кафедраһы мөдире.
| Ғәниев Әлмир Әмир улы | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 24 октябрь 1940 (84 йәш) |
| Тыуған урыны |
Башҡорт АССР-ы, РСФСР, СССР Миндәк, Учалы районы, Башҡорт АССР-ы, РСФСР, СССР |
| Һөнәр төрө | инженер-металлург |
| Эш урыны | Өфө дәүләт авиация техник университеты |
| Уҡыу йорто | Урал дәүләт техник университеты[d] |
| Ғилми исеме | профессор[d] |
| Ғилми дәрәжә | техник фәндәр докторы[d] |
| Маҡтаулы исемдәре һәм башҡа бүләктәре |
 |
Биографияһы
үҙгәртергәҒәниев Әлмир Әмир улы 1940 йылдың 24 октябрендә Башҡорт АССР-ының Учалы районы Миндәк ауылында тыуа.
1963 йылда Свердловск ҡалаһында Урал политехник институтын тамамлай.
1963–1966 йылдарҙа – өлкән, төп инженер.
1967–1969 йылдарҙа – Өфөлә Авиация технологиялары һәм производствоны ойоштороу ғилми-тикшеренеүның Урал филиалының кесе ғилми хеҙмәткәре
1970–1972 йылдарҙа – Ленинград политехник институтының аспиранты
1973 йылдан – Өфө авиация институтында уҡыта – ассистент, өлкән уҡытыусы, доцент, профессор.
2001–09 йылдарҙа машиналар һәм иретеү производствоһы технологияһы кафедраһын етәкләй[2].
2000 йылда техник фәндәр докторы исеменә дәғүә итеп, «Повышение жаропрочности литейных никелевых сплавов с использованием методов активного и пассивного экспериментов» темаһына диссертация яҡлай[3].
Фәнни эшмәкәрлеге
үҙгәртергәФәнни тикшеренеүҙәре утҡа сыҙамлы композициялы иретмәләрҙең синтезы, уларҙың утҡа сыҙамлылығын арттырыуҙың теоретик һәм технологик принциптарын эшләү менән бәйле. Ғәниев никель иретмәләренең 20-нән ашыу төрөн (СЖСИ-1, СЖС-2, УГАТУ-1, УГАТУ-2 һ.б.) аса, иретеү һәм газ турбиналы двигателдәрҙең көрәксәләрен УГАТУ-1 һәм СЖС-2 иретмәләренән ҡойоп яһау, изотермик штамповкалау өсөн инструменттарҙы ЖС95-ДУ иретмәһенән ҡойоп яһау, порошоктарҙы плакирлау юлы менән иретмәләр сығарыу һәм СЖСИ-1 иретмәһенән быраулау инструменттарын ҡойоп яһау технологияларын уйлап таба. Асыштары Башҡортостан Республикаһының һәм Рәсәй Федерацияһының башҡа төбәктәре пр-тиеларында индерелгән. 250-нән ашыу фәнни хеҙмәт һәм 42 уйлап табыу авторы[1].
Төп хеҙмәттәре
үҙгәртергә- Синтез сплавов. Ч.1. Физико-химические методы оптимизации состава сплавов. Уфа, 2000. (авторҙашта);
- Теоретические основы синтеза композиционных сплавов. Уфа, 2008;
- Математические основы синтеза композиционных сплавов. Уфа, 2008. А.С.Горюхин
Иҫкәрмәләр
үҙгәртергә- ↑ 1,0 1,1 Ғәниев Әлмир Әмир улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- ↑ Энциклопедия Урала. Ганеев Альмир Амирович 2020 йыл 28 сентябрь архивланған.
- ↑ Электронная библиотека диссертаций
Сығанаҡтар
үҙгәртергә- Ғәниев Әлмир Әмир улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.