Электрон түләүҙәр системаһы
Электрон түләүҙәр системаһы, йәки электрон түләү системаһы — финанс ойошмалары, бизнес ойошмалары һәм Интернет файҙаланыусылар араһында Интернет аша тауарҙар һәм хеҙмәттәр һатҡанда һәм һатып алғанда хисаплашыуҙар системаһы. Бындай системалар ҡәҙимге түләү системаларының электрон версиялары булып тора һәм түләүҙе ғәмәлгә ашырыу буйынса түбәндәге төрҙәргә бүленә:
- дебет (электрон чектар һәм цифрлы ҡулаҡса менән эш итеүселәр);
- кредит (кредит карточкалары менән эшләүселәр).
| Электрон түләүҙәр системаһы |
Түләү карталары процессингы
үҙгәртергәИнтернеттағы кредит системалары кредит һәм дебет карталары менән эшләүсе ҡәҙимге системаларҙың аналогы булып тора. Айырма бөтә транзакцияларҙың Интернет аша үткәрелеүенән тора. Бынан тыш, ҡайһы бер банктар сығара торған виртуаль дебет карталарын ысынбарлыҡтағы кредит һәм дебет карталарынан айырырға кәрәк. Алдан түләнгән виртуаль дебет карталары Интернетта ҡабул ителә торған ҡәҙимге MasterCard, Visa йәки башҡа шундай картаның тулы аналогы булып тора. Айырма картаның пластикҡа баҫылмауынан ғына ғибәрәт. Эйәһенә был картаның бөтә түләү реквизиттарын хәюәр итәләр. Бындай картаны алыу еңелерәк, сөнки ул эйәһенең шәхесен тикшереп тормайынса сығарыла. Икенсе ятҡан, бындай карталарҙа иҫәпте тулыландырып булмай.