Трибуна (скульптура)

«Трибуна» — хоккей көйәрмәндәренә арналған бронза скульптура композицияһы. Скульптура Өфө ҡалаһында, Ленин урамында, «Өфө-Арена» боҙ спорт һарайы эргәһендә урынлаштырылған.

Трибуна
Дәүләт	Рәсәй
Административ-территориаль берәмек	Өфө

Композицияның авторҙары булып Өфөнөң йәш скульпторҙары сығыш яһай. «Трибуна» скульптураһын төҙөү проектына «Хейнекендың Берләшкән Һыра заводтары» сикләнгән йәмғиәтенең Шихан филиалы булышлыҡ итә.

Тарихы

2013 йылдың 15 апрелендә «Башинформ» мәғлүмәттәр агентлығында асыҡ хат баҫылып сыға, унда «Союз» хоккей клубы көйәрмәндәренең ойошмаһы «Шихан» һыра заводына Өфө ҡалаһында хоккей көйәрмәндәренә арнап һәйкәл ҡуйыу тәҡдиме менән мөрәжәғәт итә. Проектты тормошҡа ашырыу буйынса эшсе төркөм ойошторола, уға «Союз» хоккей клубы көйәрмәндәре ойошмаһының вәкилдәре һәм блогерҙар инә, ә идеологы булып спорт комментаторы, «Салауат Юлаев» хоккей клубының гимны авторы Моратов Азамат сығыш яһай.

2013 йыл дауамында эшсе төркөм көйәрмәндәр араһында буласаҡ скульптураны нисек күҙ алдарына килтереүҙәрен асыҡлау һәм уларҙың теләктәрен иҫәпкә алыу өсөн һорау алыу үткәрә. Һорау алыуға нигеҙләнеп, скульптураның өс эскизы эшләнә һәм тикшереүгә ҡуйыла. 2013 йылдың ноябрь айында оҙайлы бәхәстәрҙән һәм бөтә ҡыҙыҡһынған яҡтар менән булған консультацияларҙан һуң, проекттың эшсе төркөмө менән «Трибуна» эскизы буйынса скульптура композицияһын ҡуйыу тураһында ҡарар ҡабул ителә. Был композиция тауыш биреү барышында асыҡланған төп идеяны — хоккей көйәрмәндәренең берҙәмлеген сағылдыра

2 мартта хоккей көйәрмәндәренә арналған «Трибуна» ҡала скульптураһын асыу тантанаһы уҙа.

Һылтанмалар

• В Уфе установили памятник хоккейным болельщикам  (урыҫ). Дата обращения: 15 май 2014. 2014 йыл 17 май архивланған.(рус.). 15 май 2014 тикшерелгән.
• В Уфе открыли памятник болельщику (видеосюжет)  (урыҫ). Дата обращения: 15 май 2014.(рус.). 15 май 2014 тикшерелгән.
• Первый в стране памятник хоккейному болельщику открыт в Уфе (видеосюжет)  (урыҫ). Дата обращения: 15 май 2014.(рус.). 15 май 2014 тикшерелгән.