Тацинская тарихи-тыуған яҡты өйрәнеү музейы
Тацинский тарихи-тыуған яҡты өйрәнеү музейы — Тацинская станицаһындағы музей.
| Тацинский тарихи-тыуған яҡты өйрәнеү музейы | |
|---|---|
| Асылған ваҡыты | 1968 |
| Урынлашыуы | Рәсәй, Ростов өлкәһе, Тацинская станицаһы |
| Күрергә килеүселәр | 4000 |
| Директор | Карташова Светлана Васильевна (2012 йылдан)[1] |
| Сайт | tatsinskii-museum.jimdo.com |
Музей тарихы
үҙгәртергәМузейгә 1968 йылдың октябрендә нигеҙ һалынған. Уны асыу Тацинский танк рейдының 25-йыллығына тап килтерелә. Музей экспозицияһы 4 залда урынлашҡан: № 1 — «Казак өйө», № 2 — «Граждандар һуғышы һәм һуғыштан алдағы йылдар», № 3 — «Хәрби Дан залы», № 4 — «Күргәҙмә залы»[2].
Музей экспозицияһында[3], 1942 йылдың 16 декабренән алып 24 декабренә тиклемге аралыҡта, танк ғәскәрҙәренең генерал-майоры Баданов Василий Михайлович командалыҡ итеүендә, 24-се танк корпусы яһаған Тацинский танк рейдына һәм уның Сталинград һуғышында роленә үҙәк урын бирелгән. «Тацинская аэродромында һуғыш» (авторы Виталий Иванович Ромахов) диорамаһы, Сталинград һуғышының карта-схемаһы, Сталинград һуғышында ҡатнашыусыларҙың фотографиялары һәм улъя ҡоралы өлгөләре ошо ваҡиғаға арналған.
Музейҙың экспозиция-күргәҙмә майҙаны 226 м², фонд һаҡланған майҙан — 14 м². Музейға килеүселәрҙең йылына уртаса һаны — 4000. Һаҡланған экспонаттар һаны — 2147[4][5].
2014 йылдың 13 мартында музейҙан Дон полководецы, авиация генерал-майоры Семён Дмитриевич Теренченконың ике һирәк осрай торған орденын һәм бер миҙалын урлайҙар[6][7].
Адресы
үҙгәртергәМузей түбәндәге адрес буйынса урынлашҡан: 347060, Ростов өлкәһе, Тацинский районы, Тацинская станицаһы, Ярыш тыҡрығы, 9.
Музей янындағы майҙанда һуғыштан һуңғы сығарылыш танкы Т-34-85 тора. Музей һикәлтәһе менән йәнәш ҡулдан яһалған лафетта 76-мм-лы танкка ҡаршы туптың (1942 йылғы өлгө, ЗИС-3) көбәге урынлашҡан.
Иҫкәрмәләр
үҙгәртергә- ↑ Тацинская тарихи-тыуған яҡты өйрәнеү музейы
- ↑ Тацинский историко-краеведческий музей(недоступная ссылка)
- ↑ Музей едет к вам(недоступная ссылка)
- ↑ Тацинский музей пополнился еще одним ценным экспонатом(недоступная ссылка)
- ↑ Выделены средства на обновление оборудования Тацинского историко-краеведческого музея(недоступная ссылка)
- ↑ Министр внутренних дел России приказал расследовать кражу редких наград из тацинского музея
- ↑ Депутат Госдумы РФ Свиридов В. В. посетил Тацинский музей(недоступная ссылка)
Һылтанмалар
үҙгәртергә- ТИКМ на сайте museum.ru
- МУ «Тацинский историко-краеведческий музей» 2017 йыл 11 май архивланған. на сайте Правительства Ростовской области