Геология институты (Рәсәй Фәндәр академияһы Өфө фәнни үҙәге)

Рәсәй Фәндәр академияһы Өфө фәнни үҙәгенең Геология институты — федераль дәүләт бюджет фән учреждениеһы, Башҡортостан Республикаһындағы төп ғилми-тикшеренеү учреждениеһы; геотектоника; палеозой стратиграфияһы; кайнозой геологияһы; геофизика; магматизм; метаморфизм; мәғдән ятҡылыҡтары; палеовулканология һәм металлогения; геохимия һәм изотоплы геология; гидрогеология һәм геоэкология өлкәләрендә тикшеренеүҙәр алып бара. Институтта 5 ғилми һөнәр буйынса аспирантура бар, «Геологический сборник» журналы нәшер ителә.

Геология институты
Дәүләт	Рәсәй
Административ-территориаль берәмек	Өфө
Баш компания (ойошма, предприятие)	Отдел наук о Земле[d]
Алмаштырылған	Рәсәй Фәндәр академияһы Өфө федераль тикшеренеүҙәр үҙәге
Рәсми сайт	ig.ufaras.ru

Тарихы

Рәсәй Фәндәр академияһы Өфө фәнни үҙәгенең Геология институты 1951 йылда Өфөлә СССР Фәндәр академияһы Башҡортостан филиалының Тау-геология институты булараҡ асыла, 1967 йылдан — СССР Фәндәр академияһы Башҡортостан филиалының геология институты, 1992 йылдан — хәҙерге статуста.

Етәкселеге

Институт директорҙары:

• 1951 — Г. В. Вахрушев
• 1954 — А. И. Олли
• 1965 — С. Г. Фәттәхетдинов
• 1968 — Йосопов Билал Мөғтәсим улы
• 1975 — Камалетдинов Морат Абдулхаҡ улы
• 1991 — Пучков Виктор Николаевич

Эш йүнәлештәре

Файҙалы ҡаҙылма ятҡылыҡтарының барлыҡҡа килеү шарттарын өйрәнеү, Башҡортостан Республикаһында геодинамика, геоморфология һәм тектоника, Уралдың һәм Көнсығыш Европа платформаһының стратиграфияһы.

Институттың структураһы

Лабораториялары:

• геотектоника (Рәсәй Фәндәр академияһы мөхбир ағзаһы В. Н. Пучков)
• палеозой стратиграфияһы (геология-минералогия фәндәре кандидаты О. В. Артюшкова)
• кайнозой геологияһы (геология-минералогия фәндәре кандидаты Г. А. Данукалова)
• геофизика (физика-математика фәндәре докторы И. В. Голованова)
• магматизм (геология-минералогия фәндәре докторы Д. Н. Сәлихов)
• метаморфизм (геология-минералогия фәндәре докторы А. А. Алексеев)
• геохимия һәм изотоплы геология (геология-минералогия фәндәре кандидаты В. М. Горожанин)
• мәғдән ятҡылыҡтары (геология-минералогия фәндәре докторы В. И. Сначев)
• палеовулканология һәм металлогения (геология-минералогия фәндәре кандидаты А. М. Косарев)
• гидрогеология һәм геоэкология (геология-минералогия фәндәре докторы Р. Ф. Абдрахманов)

• Минераль сеймалды анализлау бүлеге.

Әҙәбиәт

• Институт геологии УНЦ РАН. Маршрут длиною в 60 лет. Уфа, 2011.
• Пучков В. Н. «Палеогеодинамика Южного и Среднего Урала», Уфа: ГИЛЕМ, 2000. 146с.
• Р. Ф. Абдрахманов, В. И. Мартин, В. Г. Попов, А. П. Рождественский,А. И. Смирнов, А. И. Травкин. «Карст Башкортостана»,

Уфа: Информреклама, 2002.

• Р. Ф. Абдрахманов, В. Г. Попов «Геохимия и формирование подземных вод Южного Урала», Уфа: АН РБ, Гилем, 2010.
• Казанцева Т. Т. «Аллохтонные структуры и формирование земной коры Урала». М.: Наука, 1987.

Хеҙмәттәре

Институттың ҡаҙаныштары: Урал һәм Урал буйы рельефының йәшен нигеҙләү; уның тектоникаһы; Уралдың һәм Урал алды ситке бөгөлөшөнөң шарьяжлы-шыуышыулы төҙөлөшө иҫбатланған; Уралдың палеозой геодинамикаһы өйрәнелгән; Көньяҡ Уралдың палеовулканологик картаһы төҙөлгән; йылы ағымының Уралдағы аномалияһы асыҡланған); Көньяҡ Урал һәм Урал алды рельефының мезозойҙағы һәм кайнозойҙағы үҫеше өйрәнелгән һ.б.

Һылтанмалар

• Башҡорт энциклопедияһында мәҡәлә
• Институты сайты