Сальсомаджоре-Терме: өлгөләр араһындағы айырма

Сальсомаджоре термаль курорт булараҡ, үҙ тарихын Мария Луиза Австрийская ваҡытынан алып иҫәпләй:ул термаль һыу менән дауаланыуҙы модаға индергән. Сальсомаджоре Терме исеме үк бында соляр һыуҙар менән борондан халыҡ дауаланғаны тураһында һөйләп тора. Курортта бер нисә төрлө үҙенсәлекле минераль сығанаҡтар бар, мәҫәлән: «Aqua Madre» - үҙ эсенә йод алған кальцийһыҙ, тимерһеҙ эҫе һыу. Сальсомаджоре Терме ҡалаһында ошо сығанаҡтар нигеҙендә төрлө термаль комплекстар бар. Шуларҙың иң билдәлеһе - Берзиери палаццоһы. Был комплекс Сальсомаджоре Терме ҡалаһының үҙәгендәге Берзиери майҙанында урынлашҡан. Комплекс урындағы һыуҙарҙың шифалы үҙенсәлектәрен беренсе булып асҡан табип Лоренцо Берзиери хөрмәтенә уның исеме менән аталған. Комплекс бинаһы күркәм мозаика һәм фрескалар менән биҙәлгән, улар һыуҙың шифалы һәм көслө булыуының символын күрһәтеп тора.

 

 

== Һылтанмалар ==