Өмми Камал: өлгөләр араһындағы айырма

Өмми Камал шиғриәтенең әҙәби ҡиммәте уның дөйөм ҡулланылған төрки телдә генә түгел, шул уҡ мәлдә туған ҡумыҡ һөйләшендә лә яҙылыуында. Шағир үҙ ижадында йәшәү мәғәнәһе, һөйөү, сикһеҙ йыһан, изгелек, йомартлыҡ темаларын күтәрә. Тикшеренеүселәр уны таланты һәм замандаштары күңеленә юл таба алыуы буйынса суфыйсы төрөк шағиры Юныс Әмире менән сағыштыра. Шағирҙың әҫәрҙәре башҡорттар һәм татарҙар араһында киң тарала. [[1884 йыл]]да Өфө кешеһе Мөхәммәт Фәтих тарафынан [[Ҡаҙан]]да «Өммикамал китабы» нәшер ителә, йыйынтыҡҡа хикмәттәр, ғәзәлдәр, мәрҫиәләр (бөтәһе 6500 юл) индерелгән. Өмми Камалдың әҫәрҙәре [[Өфө]] ҡалаһындағы З.Вәлиди исемендәге милли китапханала һирәк китаптар бүлегендә, Ғ. Хөсәйенов исемендәге [[Ғәрәп теле|ғәрәп]] графикалы һәм иҫке баҫма китаптар фондында, Ҡаҙан, [[Махачкала]], [[Санкт-Петербург]], [[СтамбулИстанбул]] архивтарында һаҡлана. Уның ҡайһы бер әҫәрҙәре [[1917 йыл]]ға тиклем Ҡаҙанда, Төркиәлә баҫылған поэтик йыйынтыҡтарға индерелгән.