Манапов Ирек Усман улы
Манапов Ирек Усман улы (7 май 1947 йыл) — инженер-механик. Рәсәй Федерацияһының атҡаҙанған машиналар эшләүсеһе (2005). Почетлы моторҙар эшләүсе (2005), 2‐се дәрәжә «Ватан алдында күрһәткән хеҙмәттәре өсөн» орден миҙалы кавалеры (2000), Башҡортостан Республикаһының фән һәм техника өлкәһендәге Дәүләт премияһы лауреаты (2009)[1][2].
| Манапов Ирек Усман улы | |
| Зат | ир-ат |
|---|---|
| Гражданлыҡ |
 Рәсәй Башҡортостан Республикаhы |
| Тыуған көнө | 7 май 1947 (77 йәш) |
| Тыуған урыны | Иҫке Ҡыйышҡы, Ҡабаҡ ауыл Советы (Ҡырмыҫҡалы районы), Ҡырмыҫҡалы районы, Башҡорт АССР-ы, РСФСР, СССР |
| Һөнәр төрө | инженер-механик |
Биографияһы
үҙгәртергәМанапов Ирек Усман улы 1947 йылдың 7 майында Башҡорт АССР‑ының Ҡырмыҫҡалы районы Иҫке Ҡыйышҡы ауылында тыуған[1]. 1966 йылда Өфө авиация техникумын, 1972 йылда Өфө авиация институтын тамамлай һәм инженер-механик һөнәре ала. 1966 йылда Өфө моторҙар эшләү производство берекмәһендә цехта көйләүсе булып хеҙмәт юлын башлай, 1970 йылдан башлап инженер-технолог. 1972—1973 йылдарҙа Совет Армияһында хеҙмәт итә. 1973 йылдан Өфө моторҙар эшләү производство берекмәһендә инженер-технолог, реконструкциялау буйынса цех начальнигы урынбаҫары, техник бүлек буйынса цех начальнигы урынбаҫары, 3в1 цехы начальнигы, ә 1988 йылдан — баш технолог, 2002 йылдан — баш инженер булып эшләй[3].
Фәнни эшмәкәрлеге
үҙгәртергәМанапов Ирек Усман улы рационализаторлыҡ эшмәкәрлеге менән шөғөлләнә, патенттар авторы. Уның ҡатнашлығында һалҡын вальцовкалау ысулы менән көрәксәләр әҙерләү технологияһы ғәмәлгә индерелә, нефть ташыу өсөн насостарҙы сериялы етештереү уйлап табыла һәм үҙләштерелә. Ирек Усман улы Манапов етәкселегендә АЛ‐31СТ, Д436Т1, УМЗ‐340/341, ҡаргиҙәр һәм башҡа двигателдәр өсөн төп изделиелар етештереүгә технологик әҙерлек үткәрелә[3].
Маҡтаулы исемдәре һәм бүләктәре
үҙгәртергә- Рәсәй Федерацияһының атҡаҙанған машиналар эшләүсеһе (2005),
- Почетлы моторҙар эшләүсе (2005),
- 2‐се дәрәжә «Ватан алдында күрһәткән хеҙмәттәре өсөн» орден миҙалы кавалеры (2000),
- Башҡортостан Республикаһының фән һәм техника өлкәһендәге Дәүләт премияһы лауреаты (2009)
Иҫкәрмәләр
үҙгәртергә- ↑ 1,0 1,1 Манапов Ирек Усман улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- ↑ Манапов Ирек Усман улы 2021 йыл 15 август архивланған.
- ↑ 3,0 3,1 Манапов Ирик Усманович 2021 йыл 15 август архивланған.
Һылтанмалар
үҙгәртергә- Манапов Ирек Усман улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- Манапов Ирек Усман улы 2021 йыл 15 август архивланған.
- Манапов Ирик Усманович 2021 йыл 15 август архивланған.