Македон аш-һыуы

Македон аш-һыуы — Македония Республикаһының традицион аш-һыуы. Балҡан кухняһына ҡарай. Урта диңгеҙ һәм көнсығыш аш-һыуы йоғонтоһонда формалашҡан. Македон аш-һыуы башҡа балҡан аш-һыуына хас һыҙаттарға эйә, шул уҡ ваҡытта уның үҙенә генә хас аш-һыуы бар^[1].

Традицион ашамлыҡтар

Тавче гравче — табала ҡыҙҙырылған ҡара борсаҡ.
Турли тава — балсыҡ көршәктә бешерелгән йәшелсә һәм ит рагуһы.
Айвар — йәшелсә икраһы.
Чевапчичи (Кебали) — ҡыҙҙырылған ваҡ колбаса.
Пита — түңәрәк, яҫы сөсө икмәк.
Плескавица — түңәрәк яҫы кәтлит.
Бурекас — шәкәр ҡушылмаған ондан бешерелгән ашамлыҡтар (выпечка).
Мелидзано — бешерелгән баклажандарҙан ҡабымлыҡ (закуска).
Мусака — ит, таш ҡабаҡ, помидор, картуф йә бәшмәк ҡушылған баклажандан әҙерләнгән ашамлыҡ.
Пинджур — баклажан икраһы.
Попара — һөт йә сәй һеңдерелгән икмәк.
Пастрмалия — асыҡ ит бәлеше.
Кашкавал — һыйыр һәм һарыҡ һөтөнән яһалған һары сыр.
Ширден — көршәктә бешерелгән тәмләткестәр ҡушылған итле һарыҡ эсәктәре.
Сарма — тултырылған (фаршированный) виноград япраҡтары