Кузнецов Валерий Иванович

Кузнецов Валерий Иванович
Тыуған көнө	1940
Вафат көнө	2002
Ғилми дәрәжәһе	юридик фәндәр докторы

Кузнецов Валерий Иванович (1940-2002) — юрист, халыҡ-ара хоҡуҡ белгесе; Мәскәү дәүләт университетының юридик факультетын тамамлаған (1963); юридик фәндәр докторы (1981), европа интеграцияһы процесында хоҡуҡ проблемалары тураһында диссертация яҙған; Мәскәү дәүләт халыҡ-ара мөнәсәбәттәр институты (МГИМО) халыҡ-ара хоҡуҡ кафедраһы профессоры (1982) һәм СССР Сит ил эштәре Министрлығының Дипломатик академияһының әҙерлек факультеты деканы ; 2001 йылда Плеханов исемендәге Рәсәй иҡтисад академияһының халыҡ-ара хоҡуҡ кафедраһы профессоры һәм мөдире (1994) һәм Рәсәй тәбиғи фәндәр академияһы ағзаһы (1996). Гаагалагы Третейский судтың даими палатаһы ағзаһы.

Биографияһы

Кузнецов Валерий 1940 йылда тыуған; 1963 йылда Ломоносов исемендәге Мәскәү дәүләт университетының юридик факультетын тамамлай. Биш йылдан һуң ул халыҡ-ара хоҡуҡ буйынса кандидатлыҡ диссертацияһын яҡлай — юридик фәндәр кандидаты була. 1969 йылдан 1970 йылға тиклем БМО-ның дәүләттәр араһындағы дуҫтарса мөнәсәбәттәргә ҡағылышлы махсус комитетында эшләгән СССР делегацияһының юридик кәңәшсеһе булып тора; артабан, 1972-1976 йылдарҙа — бер нисә халыҡ-ара дәүләттәр ойошмалары сессиялары барышында «Дунай комиссияһы» халыҡ-ара комиссияһында шул уҡ вазифаны биләй. Шул уҡ ваҡытта, 1974 йылда, БМО-ның агрессияны билдәләүсе комитетында совет делегацияһы башлығы урынбаҫары була. 1984 йыл ул РСФСР Юғары Советы президиумының Почет грамотаһына лайыҡ була. Кузнецов 1989 йылда БМО-ның иҡтисади, социаль һәм мәҙәни хоҡуҡтары буйынса комитеты составына инә, ә 1995 — Гаага Третейский судтың даими палатаһы ағзаһы була һәм, бер үк ваҡытта Рәсәй Дәүләт думаһы рәйесе янында ойошторолған халыҡ-ара хоҡуҡ буйынса эксперт советы ағзаһы.

Кузнецов Валерий 1973-1980 йылдарҙа Мәскәү дәүләт халыҡ-ара мөнәсәбәттәр институты (МГИМО) халыҡ-ара хоҡуҡ кафедраһы деканының урынбаҫары булып тора; ул 1981 йылда «Проблемы теории и практики международного права в процессах европейской экономической интеграции» темаһына докторлыҡ диссертацияһын уңышлы яҡлап, юридик фәндәр докторы булып китә. 1982 йылда ошо юғары уҡыу йортондағы халыҡ-ара хоҡуҡ кафедраһының профессоры була. Ике йылдан һуң ул СССР сит ил эштәре министрлығы Дипломатик академияһының әҙерлек факультетын етәкләй; һәм шул уҡ йылда был академияның халыҡ-ара хоҡуҡ кафедраһы мөдире һәм профессоры позицияһын биләй. Кузнецов дипломатик академияһының беренсе проректоры булып 1986 йылда — йыл 1995 йылға тиклем был тәғәйенләнә һәм был вазифала 1995 йылға тиклем эшләй. Бынан тыш, 1994 йылда Рәсәй Халыҡ-ара хоҡуҡ ассоциацияһы башҡарма комитет составына индерелә һәм «Московский журнал международного права» баҫмаһының мөхәрририәт коллегияһы ағзаһы була. Шул уҡ 1994 йылда Рәсәй Федерацияһының атҡаҙанған фән эшмәкәре булып китә, ә ике йылдан һуң — Рәсәй тәбиғи фәндәр академияһының тулы хоҡуҡлы ағзаһы.

2001 йылда Кузнецов Плеханов исемендәге Рәсәй иҡтисад академияһына (РЭА) күсә, унда халыҡ-ара хоҡуҡ кафедраһы мөдире һәм профессоры була. Бында ул «Управление инвестиционными проектами» яңы уҡыу курстарын (уҡыу әсбабын эсенә алған) әҙерләүҙә һәм бакалавр-экономист тарҙы әҙерләүҙең махсус программаларын төҙөүҙә ҡатнаша. 2002 йылда вафат була.

Эштәре

Кузнецов Валерий халыҡ-ара хоҡуҡ проблемалары белгесе була, атап әйткәндә, Евросоюз һәм европа интеграцияһы менән бәйле мәсьәләләр менән шөғөлләнә.

• Отказ от применения силы — закон международной жизни. — Москва : Междунар. отношения, 1973. — 53 с.; 20 см. — (Б-чка международника).
• Международное право. Учебник (2001, 2007)

Әҙәбиәт

• Валерий Иванович Кузнецов (1940—2002). Некролог // Международное публичное и частное право. — М.: Юрист, 2002, № 5. — С. 65

Һылтанмалар

• Кузнецов Валерий Иванович (неопр.). rea.ru. Российский экономический университет имени Г. В. Плеханова. Дата обращения 18 ноября 2019.