Искәндәров Марсель Бәғҙәт улы

Марсель Искәндәров
	Марсель Искәндәров
Тыуған көнө:	1 ғинуар 1961
Тыуған урыны:	Башҡорт АССР-ы Көйөргәҙе районы Яҡшымбәт ауылы
Вафат булған көнө:	2004
Гражданлығы:	СССР → Рәсәй Федерацияһы
Әҫәрҙәре яҙылған тел:	башҡортса

Искәндәров Марсель Бәғҙәт улы (1 ғинуар 1961 йыл — 2004 йыл) — журналист, яҙыусы. Башҡортостан Яҙыусылар союзы ағзаһы. 1985—1997 йылдарҙа хәҙерге «Башҡортостан» гәзите хеҙмәткәре, 1997—2004 йылдарҙа «Аманат» журналының әҙәбиәт һәм сәнғәт бүлеге мөхәррире.

Википедияла Искәндәров фамилиялы башҡа кешеләр тураһында мәҡәләләр бар.

Биографияһы

Марсель Бәғҙәт улы Искәндәров 1961 йылдың 1 ғинуарында Башҡорт АССР-ы Күмертау районы (хәҙер Көйөргәҙе районы) Яҡшымбәт ауылында тыуа.
Ата-әсәһе 1967 йылда әсәһенең тыуған ауылы Таймаҫҡа күсеү сәбәле, яңы ауылда башланғыс класҡа уҡырға төшә.
Таймаҫ урта мәктәбенең 8-се класын тамамлағас, Мәләүез ҡалаһының 63-сө профтехучилищеһында уҡый.
Хеҙмәт юлын Мәләүез химия заводында башлай.
1984—1989 йылдарҙа Башҡорт дәүләт университетының филология факультетында уҡый.
1985 йылда «Совет Башҡортостаны» гәзите редакцияһына эшкә килә.
1997 йылда «Аманат» журналында әҙәбиәт һәм сәнғәт бүлеге мөхәррире вазифаһын башҡара.
2004 йылда вафат була һәм Көйөргәҙе районының Таймаҫ ауылы зыяратында ерләнә.

Ижады

Марсель Искәндәр мәктәптә, училищела, университетта уҡыған ваҡытта хикәйәләр, мәҡәләләр яҙа. Өфөлә уҡыған, эшләгән сағында проза менән ныҡлап шөғөлләнә башлай, шуның һөҙөмтәһе булараҡ уның «Ҡомаҡтар» исемле роман һәм «Юл сатында» исемле хикәйәләр йыйынтыҡтары донъя күрә. Был әҫәрҙәрендә уның геройҙары үҙҙәренең яҡты хыялдары өсөн көрәшеп, әхлаҡ һынауҙары аша үтә, көслө рухлы кешеләрҙең яҙмыш ауырлыҡтарына бирешмәүҙәрен күрһәтә. Автор шулай уҡ милли рух өсөн көрәшергә кәрәклеген һүрәтләй.

Марсель Искәндәров күренекле яҙыусы Ғәли Ибраһимовтың «Кинйә» романын уҡыусыларға еткереүҙә ҙур тырышлыҡ һала.

Сығанаҡтар

Писатели земли башкирской. Справочник / (сост.: Р. Н. Баимов, Г. Н. Гареева, Р. Х. Тимергалина). Переработанное и дополненное второе издание. — Уфа: Китап, 2015. — 672 с. ISBN 978-5-295-06338-1 (рус.)
Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с. (рус.)