Ибраһим Әбүләйеш
Ибраһим Әбүләйеш[1] (إبراهيم أبو العيش, Ibrahim Abouleish; 23 март 1937 йыл — 15 июнь 2017 йыл) — Мысыр химигы, эшҡыуары һәм менеджеры, үҙе асҡан һәм етәкселек иткән «Секем» (ингл. SEKEM) холдингы аша социаль эшҡыуарлыҡ принциптарын тормошҡа ашыра[2][3][4][5][6].
| Ибраһим Әбүләйеш | |
| Ibrahim Abouleish | |
 | |
| Тыуған көнө | |
|---|---|
| Тыуған урыны |
Маштуль-эс-Сук |
| Вафат булған көнө | |
| Гражданлығы | |
| Эшмәкәрлеге |
химик, эшҡыуар һәм менеджер |
 Ибраһим Әбүләйеш Викимилектә | |
2003 йылда «Дөрөҫ йәшәү рәүеше өсөн» премияһына лайыҡ булған[2].
Биографияһы
үҙгәртергәИбраһим Әбүләйеш 1937 йылдың 23 мартында Мысырҙың Мәштүл-әс-Суҡ тигән ҡалаһында (Шәрҡиә моһафазаһы) тыуған[4].
1956 йылдан Австриялағы Грац университетында химия һәм медицина өйрәнә, 1969 йылда фармакология өлкәһендә докторлыҡ дәрәжәһе ала[3][4].
1960 йылда өйләнә; ике ҡыҙы тыуа[4].
Австрияла фармацевтик тикшеренеүҙәр тармағында етәксе вазифаларҙа эшләй[4].
1977 йылда Мысырға сәфәре ваҡытында ватанының ауыр хәлдә булыуын күрә — илде иҡтисад көрсөгө, мәғарифтың артта ҡалғанлығы, халыҡ һанының үтә күплеге, тирә-яҡ мөхиттең бысраныуы кеүек ауыр проблемалар баҫҡан[4][6].
Тыуған иленең мөшкөл хәле уға бик көслө тәьҫир яһай һәм ул, Австрияла 20 йыл йәшәгәндән һуң, ғаиләһе менән Мысырға ҡайтып төпләнә[6].
1977 йылда Ибраһим Әбүләйеш «Секем» (ингл. SEKEM) социаль венчурлыҡ предприятиеһын аса, уның маҡсаты «ерҙе һәм кешеләрҙе һауыҡтырыу» була[5][6][7].
«Секем» тигән беренсе ауыл хужалығы предприятиеһы Ҡаһирәнән төньяҡ-көнсығышта 70 акр сүл ерендә ойошторола[4].
Күп йылдарға һуҙылған эшмәкәрлек һөҙөмтәһендә Әбүләйеш асҡан һәм етәкселек иткән холдинг тәбиғи продукттар һәм шифалы үҫемлектәрҙән эшләнгән дарыуҙар баҙарында лидерға әүерелә[4]. Компания ауыл хужалығын алып барыуҙың биодинамик ысулдарын файҙаланыу яҡлы. Ауыл хужалығы культураларына, айырыуса мамыҡҡа, зарар килтереүсе ҡоротҡостар менән көрәштең экологик нигеҙләнгән сараларын ҡулланыуҙы пропагандалай[4].
Ибраһим Әбүләйеш Мысырҙа ғына түгел, донъяла күренекле социаль эшҡыуар булыраҡ танылыу яулай — ул белем биреү программалары эшләй, мәктәптәр, медицина үҙәге, Ҡулланма сәнғәттәр һәм фәндәр академияһы, шәхси университет аса[4].
2003 йылда «XXI быуат моделе эшләнмәһе» һәм «һөйөү иҡтисады» ярҙамында иҡтисади уңышлылыҡ һәм йәмғиәттең социаль һәм мәҙәни үҫеше интеграцияһы моделе эшләнмәһе өсөн «Дөрөҫ йәшәү рәүеше өсөн» премияһына лайыҡ була[2][4].
Шәхси тормошо
үҙгәртергәӨйләнгән, Хелми (Helmy, 1961) һәм Мона (Mona, 1963) исемле ике ҡыҙы бар.
Иҫкәрмәләр
үҙгәртергә- ↑ Төрлө сығанаҡтарҙа, төрлө телдәрҙә исеменең яңғырашы төрлө: Абулиш, Абулеиш, Абоулиш, Абоулеиш, Аболейш.
- ↑ 2,0 2,1 2,2 Sekem / Ibrahim Abouleish (2003, Egypt) (ингл.). The Right Livelihood Award (2003). Дата обращения: 22 апрель 2015. 2010 йыл 20 июнь архивланған.
- ↑ 3,0 3,1 Dr. Ibrahim Abouleish (Councillor Biographies) (ингл.). World Future Council. Дата обращения: 22 апрель 2015. 2007 йыл 30 июнь архивланған.
- ↑ 4,00 4,01 4,02 4,03 4,04 4,05 4,06 4,07 4,08 4,09 4,10 Ibrahim Abouleish (нем.). chemie.de. Дата обращения: 22 апрель 2015.
- ↑ 5,0 5,1 Джоанна Мэйр и Кейт Гэнли Социальное предпринимательство: инновации для устойчивого развития (рус.). — 2010. — С. 109-120. Печатается по: Johanna Mair and Kate Ganly Social Entrepreneurs: Innovating Toward Sustainability (инг.) // Worldwatch Institute State of the World 2010: Transforming Cultures. From Consumerism to Sustainabilit. — New Yor: W.W. Norton & Company, 2010. — С. 103-109.
- ↑ 6,0 6,1 6,2 6,3 Ангелина Горбунова. Пять мифов о социальном предпринимательстве. Частный Корреспондент (14 декабрь 2014). Дата обращения: 29 апрель 2015. 2015 йыл 28 апрель архивланған.
- ↑ «ерҙе һәм кешеләрҙе йылытыу».
Һылтанмалар
үҙгәртергә- Facebook: facebook.com/ibrahimabouleish