Булатова Әлфирә Хәйретдин ҡыҙы
Булатова Әлфирә Хәйретдин ҡыҙы (Ҡыҙ фамилияһы — Миңлеғәлиева[1], 5 март 1953 йыл) — сәнәғәт эшмәкәре[1], электр техникаһы инженеры. «Рәсәй Федерацияһының атҡаҙанған машина эшләүсеһе» (2000). Өфө моторҙар эшләү производство берекмәһенең махсус элемтә бүлеге мөдире (1998 йылдан алып).
| Булатова Әлфирә Хәйретдин ҡыҙы | |
| Зат | ҡатын-ҡыҙ |
|---|---|
| Гражданлыҡ |
 СССР Рәсәй |
| Тыуған көнө | 5 март 1953 (71 йәш) |
| Тыуған урыны | Урмантау ауылы, Таймый ауыл Советы, Салауат районы, Башҡорт АССР-ы, РСФСР, СССР |
| Һөнәр төрө | инженер |
| Уҡыу йорто | Өфө дәүләт авиация техник университеты |
| Маҡтаулы исемдәре һәм башҡа бүләктәре | |
Биографияһы үҙгәртергә
Әлфирә Хәйретдин ҡыҙы Булатова 1953 йылдың 5 мартында Башҡорт АССР-ының Салауат районы Урмантау ауылында тыуа. 1978 йылда Өфө авиация институтын электр техникаһы инженеры һөнәре буйынса тамамлай. Хеҙмәт юлын Өфө моторҙар эшләү производство берекмәһендә башлай. 1983 йылға тиклем 25-се цехта инженер, инженер-лаборант булып эшләй. 1983—1998 йылдарҙа инженер-электронсы, өлкән инженер-электронсы, әйҙәүсе инженер-электронсы, 3-сө бүлек начальнигы була. 1998 йылдан алып махсус элемтә бүлеген етәкләй. Был бүлек берекмәнең автоматик телефон станцияларын, диспетчер бәйләнешен, радиотрансляция селтәрен, һау-янғынға ҡаршы сигнализацияны, электр таблоларын һәм башҡаларҙы ҡулланыуҙы тәьмин итә, бәйләнештә сүс-оптика линияларын үҫтереү буйынса әңҙем эшләй. Әлфирә Хәйретдин ҡыҙы тәрән белемгә һәм ҙур тәжрибәгә эйә. Оҫта ойоштороусы, һәр саҡ һөнәри кимәлен күтәреп, белемен камиллаштырып тора[2].
Маҡтаулы исемдәре һәм башҡа бүләктәре үҙгәртергә
«Берекмәнең иң яҡшы инженер-техник хеҙмәткәре» (1981)
«Рәсәй Федерацияһының атҡаҙанған машина эшләүсеһе» (2000)
Өфө моторҙар эшләү производство берекмәһенең Маҡтау ҡығыҙы (2005)
Өфө моторҙар эшләү производство берекмәһенең Рәхмәт хаттары (2011, 2013, 2018)[2].
Иҫкәрмәләр үҙгәртергә
- ↑ 1,0 1,1 Булатова Альфира Хайретдиновна 2022 йыл 29 апрель архивланған.
- ↑ 2,0 2,1 Булатова Альфира Хайретдиновна(недоступная ссылка)
Сығанаҡтар үҙгәртергә
- Булатова Альфира Хайретдиновна 2022 йыл 29 апрель архивланған.
- Булатова Альфира Хайретдиновна(недоступная ссылка)