«Башҡортостан-2М» — КР580ВМ80А процессоры ерлегендәге совет 8-разрядлы микрокомпьютер. 1989 йылдан башлап ул Башҡортостандың Өфө ҡалаһында, С. М. Киров исемендәге Башҡортостан ғилми производство берекмәһендә сығарыла.

Башкирия-2М
Рәсем
Нәшер ителеү ваҡыты 1989
Центральный процессор КР580ВМ80А[d]
Операционная система CP/M[d]

«Башҡортостан» үҙенә күрә етештереүҙең өҫтәмә продукты була. «Искра» конструкторҙар бюроһында СССР эске эштәр министрлығы заказы буйынса ВМ80 процессоры нигеҙендә АТОС-32/64 станцияһы төҙөлә. Беренсе варианты АРМ-шк «Башкирия» тип аталған — был ундай станция операторының ныҡ үҙгәртелгән эшсе урыны. Ул күләмле тимер өҫтәлдән ғибәрәт була, монитор урынына «Юность» йәки «Шилялис» телевизоры ҡулланылған.

Компьютерҙың икенсе «Башҡортостан-2М» вариантында хәтер 128 КБ тиклем арттырыла, ПК8000 тибындағы корпус һәм «Электроника МС 3201» мониторы ҡулланыла.

Техник характеристикаһыҮҙгәртергә

  • Процессор: 2 МГц йышлығындағы КР580ВМ80А, эшләү тиҙлеге — секундына 500 мең операция
  • Хәтер: ОЗУ — 128 КБ, шул иҫәптән 24 КБ видеопамять (12-шәр КБ-лыҡ ике бит)
  • Таймер: КР580ВИ53-гә 32-разрядлы счётчик
  • КР580ВН59-ға өҙөлөүҙәр контроллеры
  • Сығарма ҡоролма: көнкүреш телевизоры, монитор
  • Сағылдырыу режимы: 384 × 256 нөктә, 64 төҫ палитраһынан 4 төҫ, ике видео-бит.
  • Тауыш: эсенә индереп эшләнгән динамик, 32 Гц — 48 кГц
  • Клавиатура: 75 клавиша
  • Тышҡы хәтер:
    • көнкүреш магнитофоны
    • КР1818ВГ93-кә дисковод контроллеры, ике тышҡы 5,25 дюймлыҡ дисковод, 800 КБ-лыҡ дискеталар
    • Порт:
    • эҙмә-эҙлекле (КР580ВВ51А)
    • параллель (КР580ВВ55), принтер тоташтырыу өсөн
    • джойстик
    • бүлеү айырыһы — тышҡы даими хәтер ҡоролмаһын (ПЗУ) тоташыу өсөн ҡулланылған

Төҙөлөшө — моноблок: системалы блок клавиатура һәм ~42V (арттан уң яҡтан корпусҡа энергия сығанағының ҙур радиаторы сығарылған) кәрәкле энергия сығанағы менән тоташтырылған, тышҡы энергия сығанағы 220V/42V.

Эҙмә-эҙлекле порттарҙа «ток элмәге» тибындағы локаль селтәр тормошҡа ашырыла.

Программа менән тәьмин итеүҮҙгәртергә

  • Операцион система CP/M
  • Текст редакторы, график редакторы, электрон таблицалар, музыкаль мөхәррир
  • Интерпретатор BASIC, программалау теле Logo
  • Turbo Debugger көйләүсеһе
  • Уйындар

Күп программалар 1990 йылдар тирәһендә Өфө ҡалаһындағы «Hacker club» программистар клубында төҙөлгән һәм башҡа платформаларҙан яраҡлаштырылған.

ҺылтанмаларҮҙгәртергә