А. П. Чехов исемендәге әҙәби музей

А. П. Чехов исемендәге әҙәби музей — Ростов өлкәһендәге музей, Антон Павлович Чехов уҡыған элекке ирҙәр классик гимназияһы бинаһында урынлашҡан. Таганрог дәүләт әҙәбиәт һәм тарих-архитектура музей-заповеднигы составына инә.

А. П. Чехов исемендәге әҙәби музей
Таганрогтағы ирҙәр гимназияһы бинаһы (хәҙер А. П. Чехов исемендәге әҙәби музей)
Асылған ваҡыты	1935
Урынлашыуы	Рәсәй, Таганрог ҡалаһы

Тарихы

Ирҙәр гимназияһы бинаһы 1843 йылда асыла. Проекттың авторы архитектор Боффо Франц Карлович була. Бинаның төп стиле — урыҫ провинциаль классицизм йүнәлеше. Билдәле урыҫ яҙыусыһы Антон Павлович Чехов 1868 йылдан 1879 йылға тиклем был гимназияның уҡыусыһы була. Тап унда яҙыусы «Уныһы, быныһы», «Репетитор», «Әҙәбиәт уҡытыусыһы», «Классик менән булған хәл», «Ариадна», «Футлярҙағы кеше» хикәйәләрен яҙыу өсөн уй-фекерҙәр туплай. Һуңынан гимназия бинаһында, 1954 йылда Чехов исеме алған 2-се һанлы дөйөм урта белем биреү мәктәбе урынлаша. Мәктәп 1975 йылға тиклем эшләй, ә 1980 йылда музей комплексы төҙөү тураһында ҡарар ҡабул ителә. Төҙөү бер нисә этапта үтә: 1935 йылда музейҙы асыу, 1980—1985 йылдарҙа «Яҙыусы һәм Тыуған ил» әҙәби-мемориаль экспозицияны асыу.

Хәҙерге заман

Музей экспозицияһы Антон Павлович Чеховтың тормошон һәм ижадын, шулай уҡ Таганрогтың уның әҫәрҙәренә йоғонтоһон сағылдыра. 2010 йылдың 29 ғинуарында, тыуыуының 150-йыллығына «А. П. Чехов: тыуған ҡалаһына һәм донъяға» исемле яңы экспозиция асыла. Экспозицияның 1600-ҙән артыҡ экспонаты бар. Музейҙа «Санкт-Петербургтың балауыҙ һындары», «Ёлка уйынсыҡтары иле», «Таганрог-Ялта. Чехов даһилығы берләштерә» исемле күргәҙмәләр, «Чехов ҡалаһы рәссамдар күҙлегенән» виртуаль күргәҙмә булып үтте. Шулай уҡ музейҙың эшмәкәрлеге йыш ҡына урындағы киң мәғлүмәт сараларында яҡтыртылып бара.

• Чеховтың әҙәбиәт музейында яҙыусының тыуыуына 150-йыллығын байрам иткәндә
• 
  Чеховтың әҙәбиәт музейында
• 
  Чеховтың әҙәбиәт музейында

Шулай уҡ ҡарағыҙ

• «Чехов йорто»
• «Чеховтар кибете» музейы
• И. Д. Василенко музейы
• Тарих-тыуған яҡты өйрәнеү музейы (Дворец Алфераки)
• А. А. Дуров музейы
• Ҡала төҙөү һәм көнкүреш музейы

Һылтанмалар

• История Таганрогского государственного литературного и историко-архитектурного музея-заповедника
• А. П. Чеховтың әҙәбиәт музейы