Алексеев урманы (Ростов өлкәһе)
Алексеев урманы (Ростов өлкәһе) — Матвеев-Курган районында, Крынка менән Миус йылғалары ҡушылған ер эргәһендәге урман. Майҙаны 1000 гектарҙан ашыуыраҡ. Тупраҡ һәм һыу эрозияһынан һаҡлаусы объект булараҡ, өлкә әһәмиәтендәге тәбиғәт ҡомартҡылары исемлегенә индерелгән.
| Алексеев урманы | |
|---|---|
| К:Википедия:Страницы с ошибками в национальном названииВ параметре «Национальное название» нарушен синтаксис: его верное заполнение: «код языка/название/код второго языка/название». Пожалуйста, исправьте данную ошибку! | |
| Координаты: пропущена долгота | |
| Тип | япраҡлы урман |
| Ил | |
| Регион | Ростов өлкәһе |
| Майҙаны | 10 күберәк км² |
Һүрәтләмә
үҙгәртергәТәүге тапҡыр урманға нигеҙ 1840 йылда һалына. Таганрог ҡалаһының етәксеһе (градоначальник) сығарған ҡарар буйынса, 33 десятина тирәһе ерҙә үҫентеләр ултыртыла.
Урманға башлап ултыртҡанда алпауыт Фурсов та ҡатнаша. Сөнки ағастарҙы уның биләмәләренән алып атаман Алексей Иловайскийҙың поместьеһына тиклем ултыртып сығалар. Атаман хөрмәтенә ауылға ла, урманға ла Алексеев исеме бирелә.
Алексей Иловайский 1775–1796 йылдарҙа атаман булып торған Алексей Иванович Иловайскийҙың ейәне була. Ейәне Алексей Васильевич Иловайский, хәрби эштәрҙән бигерәк, Донда халыҡтың тормош шарттарын тотороҡландырыуға күберәк иғтибар бүлә.
Атаман А. В. Иловайский, үҙе идара иткән 1821—1826 йылдарҙа урман буйынса мелиорация эшендә байтаҡ хеҙмәт күрһәтә[1].
1992 йылда Алексеев урманында 150 йәште үткән байтаҡ имәндәр барлығы асыҡлана. Улар барыһы ла ныҡ була. Уртаса бейеклектәре 25-30 м, ә сатырҙарының диаметры 20 метрҙан ашып китә.
Алексеев урманына Таганрогтан тимер юл аша бер сәғәттә барып етеп була. Шуға ла ул, туристарҙың күпләп килеп ял итеү урыны[1].
Хәҙерге ваҡытта урман ҡырҡыла, сүп-сар менән тула бара. Туристар ағымы йылдан йыл арта бара. Бигерәк тә, Таганрог менән Дондағы Ростовтан күп киләләр.
Күҙәтеү алып барырға бурыслы хеҙмәт органдары урманға тейешле иғтибарҙы бүлеп еткермәй. Совет заманынан алып, урмандың бер ҙә таҙартылғаны юҡ. Аунап ятҡан ағастар бәшмәк ауырыуҙары таратыусы һәм ҡоротҡостар үрсетеүсе сығанаҡ булып ята бирә[2].
Сығанаҡтар
үҙгәртергә- АЛЕКСЕЕВСКИЙ ЛЕС — ИСТОРИЧЕСКАЯ СПРАВКА 2017 йыл 13 ғинуар архивланған.
- АЛЕКСЕЕВСКИЙ ЛЕС В МАЕ 2017 йыл 21 март архивланған.
Иҫкәрмәләр
үҙгәртергә- ↑ 1,0 1,1 Кукушин В. С. История архитектуры Нижнего Дона и Приазовья — Ростов-на-Дону, ГинГо, 1996
- ↑ Елена Мотыжева SOS из Алексеевского леса(недоступная ссылка)