Алатау (шифахана)

«Алатау» дауалау-һауыҡтырыу комплексы — Алматы ҡалаһында (Ҡаҙағстан) һауыҡтырыу, дауалау-профилактика комплексы.

Алатау
Нигеҙләү датаһы	1986
Дәүләт	Ҡаҙағстан  СССР
Административ-территориаль берәмек	Алматы
Алатау Викимилектә

Тарихы

Шифахана комплексы 1986 йылда төҙөлгән. Проект авторҙары Г. Ю. Ратушный, Т.Е. Ералиев, О.Н..Балыкбаев, Г. Д. Джубангалиев, Г. И. В. Сидоров. Проект өҫтөндә шулай уҡ инженер-конструкторҙар Е.М. Еркенов, Ж.С. Сыздыҡов, В. Я Маркус, М.В Ким эшләй. Башта комплекс территорияһы 36 гектар тәшкил иткән.

Бальнеологик шифахана ҙур курорт комплексы, бер нисә объекттан тора. Ҡаршы килеүселәрҙе төп корпусҡа ҡарай асыҡ колонналар теҙмәһе ҡаршы ала, уның төп бөгөлөшө төньяҡтан зоналарға бүленгән аралыҡты тоташтыра, унда спорт майҙансыҡтары, матур быуаға алып сығыусы ял итеү аллеялары урынлашҡан

1999 йылда шифахана базаһында «Алматы — минең тәүге мөхәббәтем» тигән беренсе ретро-фестиваль үтә. Шифахана 1999—2009 һәм 2017 йылдарҙа сара үткәреү урыны була

2017 йылда шифахана беренсе капиталь ремонт һәм медицина ҡорамалдарын яңыртыу өсөн реконструкцияға ябыла. Алматы тарихи һәм мәҙәни объектының тарихи ҡиәфәтен һаҡлау айырым һыҙыҡ өҫтөнә алынған. Реставрациянан һуң асыу 2020 йылда ҡаралған

Архитектураһы

Шифахана бинаһы постмодернизм стилендә төҙөлгән. Бина оҙонлоғо буйынса һуҙылған көньяҡ фасадҡа эйә, ял итеүселәрҙең лоджиялары горизонталь рәүештә тигеҙ урынлашҡан. Комплекс фасадының архитектураһы бинаның күләмле структураһын тәбиғи рәүештә дауам итә. Комплексты биҙәүҙә ҡиммәтле ағас тоҡомдары, гранит һәм мәрмәр кеүек тәбиғи материалдар ҡулланыла. Фундаменты тимер-бетон свайҙарҙан торған свая майҙандан ғибәрәт.

Төп корпустың аҫҡы ҡаттарының төҙөлөш схемаһы кәрәҙ системаһына нигеҙләнә – киҫешкән тимер-бетон аркалар планында ул өҫкө ҡаттар өсөн терәк булып хеҙмәт итә

Шифахана алдындағы биләмә бер нисә функциональ зонаға бүленә: төньяҡтан колонналар теҙмәһе менән тотоашҡан майҙан — партер, спорт зонаһы, тымыс һәм әүҙем ял итеү зоналары. Төп корпус төҙөлөшө яғынан антисейсмик бүлкәттәргә бүленгән.

Тарихи һәм мәҙәни һәйкәл

2010 йылдың 10 ноябрендә Алматы ҡалаһы әһәмиәтендәге тарихи һәм мәҙәни ҡомартҡыларҙың яңы Дәүләт исемлеге раҫлана, бер үк ваҡытта ошо сәбәп менән алдағы ҡарарҙар үҙ көсөн юғалтҡан тип таныла. Был ҡарарҙа Алматы әһәмиәтендәге Алатау шифаханаһы ҡомартҡы статусын һаҡлап ҡала. 2014 йылда һаҡлана торған зона сиктәре раҫлана.