Ҡәйепов Мөхәмәтгәрәй Ильяс улы

Википедияла Ҡәйепов фамилиялы башҡа кешеләр тураһында мәҡәләләр бар.

Мөхәмәтгәрәй Ильяс улы Ҡәйепов (1825—?) — кантон башлығы, зауряд-есаул (1862).

Биографияһы үҙгәртергә

Ҡәйепов Мөхәмәтгәрәй Ильяс улы сығышы менән Стәрлетамаҡ өйәҙе Тәлтем-Юрматы улусы Йомағужа ауылы (хәҙерге Башҡортостан Республикаһы Стәрлебаш районы) башҡорттарынан.

1849 йылдан йорт старшинаһы, 1855 йылдан — 27-се башҡорт кантоны башлығы ярҙамсыһы, 1856 йылдан — 28-се башҡорт кантоны башлығы ярҙамсыһы, 1859 йылдан — 28-се, 1860 йылдан — 27-се башҡорт кантондары башлығы булып хеҙмәт итә.

1853—1856 йылдарҙағы Көнсығыш һуғышы (Ҡырым һуғышы) иҫтәлегенә бронза миҙалы менән бүләкләнгән.

Һылтанмалар үҙгәртергә

Таһирова Л. Ф. Ҡәйепов Мөхәмәтгәрәй Ильяс улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.