Самсонов Вячеслав Михайлович

Самсонов Вячеслав Михайлович (21 декабрь 1949 йыл — 25 август 2018 йыл) — Врач-эпидемиолог. Медицина фәндәре кандидаты, профессор. Спортсы. Рәсәйҙең дзюдо буйынса халыҡ-ара класлы спорт мастеры.

Биографияһы

Вячеслав Михайлович Самсонов 1949 йылдың 21 декабрендә Өфө ҡалаһында тыуған.

Олимпия резервының 6-сы «Геркулес» махсуслашҡан балалар һәм үҫмерҙәр спорт мәктәбе тәрбиәләнеүсеһе.

Уның тренеры Н. Д. Попов башҡа күп спортсыларҙы өйрәткән.

1974 йылда РСФСР чемпионатының көмөш призёры.

1975 йылда студенттар араһында самбо буйынса СССР чемпионы. Самбо буйынса СССР йыйылма командаһы ағзаһы.

1976 йылда РСФСР чемпионатының бронза призёры.

1979 йылда Башҡорт дәүләт медицина институтын тамамлаған.

Хеҙмәт юлы

Вячеслав Михайлович Самсонов самбо буйынса шәхси зачётта мастерҙар араһында донъя чемпионы. Рәсәйҙең самбо буйынса атҡаҙанған тренеры. Рәсәй Федерацияһының физик культура һәм спорт отличнигы.

2002–2006 йылдарҙа мастерҙар араһында донъя чемпионы.

2004, 2007, 2010 йылдарҙа Европа чемпионы (2004—2008 — самбо буйынса шәхси зачётта Рәсәй чемпионы).

2004, 2006, йылдарҙа мастерҙар араһында команда зачётында Европа кубогы эйәһе

2005 йылда донъя чемпионы.

2004—2010 йылдарҙа шәхси зачётта Рәсәй чемпионы.

2010—2011 йылдарҙа дзюдо ветерандары араһында Европа чемпионы.

2011 йылда М7 йәш төркөмө буйынса дзюдо буйынса Рәсәй чемпионы.

Шул уҡ йылда дзюдо буйынса мастерҙар араһында Донъя чемпионы (Германия, Франкфурт-на-Майне)

2012 йылда (Австрия, Лейбниц) дзюдо ветерандары VI Рәсәй Чемпионатының көмөш призеры.

Шулай уҡ ҡарағыҙ

• Венер Зәйнулла улы Ғәлиев. Рәсәйҙең атҡаҙанған спорт мастеры, самбо буйынса ике тапҡыр донъя чемпионы.
• Р.Ф. Шарипов, С.В.Назаров, А.Р. Мухаметдинов, С.Н. Карпов - Рәсәй спорт мастерҙары.

Маҡтаулы исемдәре һәм наградалары

• 2003 — Рәсәй Федерацияһының физик культура һәм спорт отличнигы
• 2004 — медицина фәндәре кандидаты
• 2006 — Рәсәйҙең дзюдо буйынса халыҡ-ара класлы спорт мастеры.
• 2010 — Рәсәйҙең самбо буйынса атҡаҙанған тренеры

Сығанаҡтар

• gerkulesufa.ru/
• roo-msvd.ru/samsonov-vycheslav/

Һылтанмалар

• Самсонов Вячеслав Михайлович // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9./index.php/8-statya/5056-zakondar-sy-aryu-vlasy Самсонов Вячеслав Михайлович
• Мы родом из самбо 2019 йыл 21 декабрь архивланған.
• 2018 йылдың 25 авгусы