Епифанцев Сергей Николаевич
Епифанцев Сергей Николаевич (1953) — ВЛКСМ-дың Башҡортостан өлкә комитетының беренсе секретары (1985—1987).
| Епифанцев Сергей Николаевич | |
| Тыуған көнө | 1953 |
|---|---|
| Сәйәси фирҡә ағзаһы | Советтар Союзы Коммунистар партияһы |
Епифанцев Сергей Николаевич 1953 йылдың май айында Өфөлә тыуған. 1975 йылда Өфө авиация институтын тамамлай, һөнәре буйынса инженер-электромеханик. Психология фәндәре кандидаты, социология фәндәре докторы[1],[2].
Хеҙмәт эшмәкәрлеген 1975 йылда инженер-технолог булып башлай, 1975−1976 йылдарҙа СССР-ҙың 50-йыллығы исемендәге Өфө агрегат производство-конструкторлыҡ берекмәһендә мастер булып эшләй. 1978 йылдан — коммунистар партияһы ағзаһы. Артабан йәмәғәт-партия ойошмаларында етәксе вазифаларын биләй.
1976−1979 йылдарҙа ВЛКСМ-дың агрегат производство-конструкторлыҡ берекмәһендә секретарь урынбаҫары; секретары.
1979−1980 йылдарҙа ВЛКСМ-дың Өфө ҡала комитетының ойоштороу бүлегенеъ мөдире.
1980−1981 йылдарҙа КПСС-тың Өфө ҡалаһы Ленин район комитетының ойоштороу бүлеге мөдире.
1981−1985 йылдарҙа КПСС-тың өлкә комитетының ойоштороу-партия эше бүлегенең инструкторы.
1985 йылдың ғинуарынан алып 1987 йылдың ғинуарына тиклем ВЛКСМ-дың Башҡортостан өлкә комитетының беренсе секретары.
1987 йылда ВЛКСМ-дың Үҙәк Комитетының эшсе йәштәр бүлеге мөдире.
1987−1990 йылдарҙа ВЛКСМ-дың Үҙәк Комитеты секретары.
1990—1991 йылдарҙа КПСС-тың Үҙәк комитеты секторы мөдире.
1991 йылдан «АРТЕЛЬ» акционерҙар йәмғиәтенең идараһының рәйесе, «МАГНА ЛТД» акционерҙар йәмғиәтенең вице-президенты, «НЕФТЕГАЗ» акционерҙар йәмғиәте директоры урынбаҫары, «Реформа» фондының советнигы[3], Мәскәү президент программалары фонды директоры, «МЕГАПИР» фонды идараһының рәйесе, «СКАФ» сәнәғәт-финанс компанияһы" ЯАЙ-нең генераль директоры урынбаҫары булып эшләй. 2000 йылдан — Көньяҡ федераль округында Рәсәй Федерацияһының Президентының тулы хоҡуҡлы вәкиле урынбаҫары, 2004 йылдан — Ростов өлкәһе буйынса баш федераль инспекторы. 2008 йылдың декабренән — «Рәсәй тимер юлдары» («РЖД») ААЙ-ының президенты советнигы[1].
2009 йылдың апрелендә «Рәсәй тимер юлдары» ААЙ-ы президенты бойороғо буйынса Епифанцев Сергей Николаевич «Рәсәй тимер юлдары» асыҡ акционерҙар йәмғиәтенең вице-президенты — статс-секретары итеп тәғәйенләнә[4].
Иҫкәрмәләр үҙгәртергә
Һылтанмалар үҙгәртергә
- ПЕРВЫЕ СЕКРЕТАРИ БАШКИРСКОГО ОБКОМА КОМСОМОЛА 2017 йыл 8 декабрь архивланған. (рус.)
- Епифанцев Сергей Николаевич. Биография (рус.)
- НОВЫЕ НАЗНАЧЕНИЯ В ОАО «РЖД» (рус.)
- Диссертация Епифанцева (рус.)