Асҡар (Мәсетле районы)
Асҡар (Асҡар һөт-тауар фермаһы, Асҡар МТФ-һы) — бөткән утар. Кесе Ыҡтамаҡ ауыл Советы биләмәһенә тура килә. Асҡар утары 1930—1935 йылдарҙа барлыҡҡа килә. Утарға Әжекәй ауылы егете, көтөүсе Асҡарҙың исеме бирелгән. Утар халҡы фермала эшләгән.
| Асҡар | |
| Нигеҙләү датаһы | 1930 |
|---|---|
| Дәүләт |
 Рәсәй |
| Административ-территориаль берәмек | Кесе Ыҡтамаҡ ауыл Советы |
| Халыҡ һаны | 10 кеше (1939) |
Географик урыны үҙгәртергә
1952 йылда Асҡар утары Кесе Ыҡтамаҡ ауыл Советы составында була, район үҙәге Оло Ыҡтамаҡҡа тиклем 8 км, ауыл Советы үҙәге Кесе Ыҡтамаҡҡа тиклем 2 км алыҫлыҡта ята[1].
Тарихы үҙгәртергә
Ферма биләмәһендә Малсылар йорто булған. Ҡайһы бер малсылар ферма эргәһендә үк йорттар төҙөп йәшәгән, мәҫәлән, Кирәевтәр ғаиләһе, Федор һәм Зоя Коряковтар (ҡайһы берҙәренең исем-шәрифтәре билдәһеҙ). 1939 йылғы халыҡ иҫәбен алыу мәғлүмәттәренә ярашлы ферма янындағы 3-4 йортта ун кеше йәшәгән. 1959 йылғы Халыҡ иҫәбен алыуҙа Асҡарҙа бер кем теркәлмәгән.
Асҡар фермаһы юғары күрһәткестәр буйынса дан тотҡан ферма: Башҡортостан буйынса В. И. Ленин исемендәге колхоздың Һөт-тауар фермаһы призлы урындар яулай. Ул ваҡытта ферма мөдирҙәре булып Ватолин А. Г., Новоселов А. И., Томилов С. эшләй.
1978 йылда Асҡар һөт-тауар фермаһы Түбәнге Бобин ауылына күсерелә. Асҡарҙа быҙау аҙбары ғына тороп ҡала[2][3]
Иҫкәрмәләр үҙгәртергә
- ↑ Административно-территориальное деление Башкирской АССР (на 1 июня 1952 г.). — Башкирское книжное издательство, Уфа, 1953. C.178
- ↑ История села Малоустьикинское | Администрация сельского поселения Малоустьикинский сельсовет
- ↑ Архивированная копия. Дата обращения: 23 февраль 2012. Архивировано 2 апрель 2015 года. 2015 йыл 2 апрель архивланған.
Һылтанмалар үҙгәртергә
- Мечетлинский район Республики Башкортостан: энциклопедия / Редкол.: Ю. Ю. Султанов (гл.ред.), Н. Ф. Ахкамова (сост.), Г. К. Бикташева (отв.ред.) и др. — Уфа: Мир печати, 2010. — 284 с.:илл. ISBN 978-5-9613-0148-9
- Административно-территориальное деление Башкирской АССР (на 1 июня 1952 г.). — Башкирское книжное издательство, Уфа, 1953. C.179