Ғүмәров Әмир Әбүбәкер улы

Ғүмәров Әмир Әбүбәкер улы (10 февраль 1952 йыл) — СССР саңғысыһы, биатлон һәм саңғы спорты буйынса Рәсәй тренеры. Рәсәйҙең атҡаҙанған тренеры. Бәләбәй районының почётлы гражданы (2014).

Ғүмәров Әмир Әбүбәкер улы
Зат	ир-ат
Тыуған көнө	10 февраль 1952({{padleft:1952|4|0}}-{{padleft:2|2|0}}-{{padleft:10|2|0}}) (72 йәш)
Һөнәр төрө	спортсы
Маҡтаулы исемдәре һәм башҡа бүләктәре

Биографияһы

Әмир Әбүбәкер улы Ғүмәров 1952 йылдың 10 февралендә Башҡорт АССР-ының Әлшәй районы Туҡтар ауылында тыуған. Саңғы ярыштары буйынса юниорҙар араһында СССР-ҙың ике тапҡыр чемпионы (1972, 1973). 1981 йылда Алма-Ата дәүләт физик культураһы институтын тамамлай. СССР-ҙың саңғы ярыштары буйынса спорт мастеры (1984). 1997 йылда ғаиләһе менән Бәләбәй ҡалаһына күсә.

1999 йылда Бөтә Рәсәй һуҡырҙар йәмғиәтенең йыйылма командаһының һәм Рәсәй паралимпия йыйылма командаһының өлкән тренеры итеп тәғәйенләнә. Бәләбәй районының спорт-һауыҡтырыу комплексында саңғы ярыштары буйынса тренер-уҡытыусыһы булып эшләй, һуңынан Рәсәй йыйылма командаларының саңғы ярыштары һәм биатлон буйынса Спорт әҙерлеге үҙәгенең Рәсәй паралимпия йыйылма командаһының өлкән тренеры итеп тәғәйенләнә.

Уның тәрбиәләнеүселәре араһында иң юғары һөҙөмтәләргә ирештеләр:

• Александр Давидович — 2014 йылғы Паралимпия уйындарының ике тапҡыр бронза призеры,
• Кирилл Михайлов — паралимпия уйындарының биш тапҡыр чемпионы (2006, 2010, 2014),
• Ирек Зарипов — 2010 йылғы Паралимпия уйындарының дүрт тапҡыр чемпионы,
• Ирек Маннанов — Паралимпия уйындарының ике тапҡыр чемпионы (1998, 2002),
• Ғарифуллин Рөстәм — Паралимпия уйындарының ике тапҡыр чемпионы, 2006 йыл.

Маҡтаулы исемдәре һәм башҡа бүләктәре

• Рәсәйҙең атҡаҙанған тренеры.
• Башҡортостан Республикаһының Халыҡтар дуҫлығы ордены (2006).
• Почёт ордены (2010).
• « Башҡортостан Республикаһында фиҙакәр хеҙмәте өсөн» отличие билдәһе (2010).
• Дуҫлыҡ ордены (2014).
• «Башҡортостан Республикаһында күрһәткән хеҙмәттәре өсөн» ордены.
• Бәләбәй районының почетлы гражданы (2014).