Юлдаш (исем)

Юлдаш — башҡорт ир-ат исеме. Башҡа төрки телле халыҡтарҙа ла осрай.

Этимологияһы

Юлдаш исеменең мәғәнәһе юлдаш, иптәш, дуҫ тигәнде аңлата. Юлда бергә барған кеше. Юлдаш булыу. Күсмә мәғәнәлә — Бер рух, теләкле кеше. Юлдаш табыу. Ғүмерлек юлдаш. Ышаныслы юлдаш. Тормош юлдашы тормош юлын бергә үткән, бергә йәшәгән кеше.

Билдәле шәхестәр

Юлдаш Ҡотлин (18-се быуаттың икенсе сиреге — 1800 йылдан һуң) — Емельян Пугачёв етәкселегендәге 1773—1775 йылдарҙағы Крәҫтиәндәр һуғышында ҡатнашыусы, Тельтем—Юрматы улусы старшинаһы, Көньяҡ Уралда күмер ятҡылығын табыусы.

Юлдаш Һөйәрембәтов (? — 1742 йыл) — 1735—1740 йылдарҙағы башҡорт ихтилалдары етәкселәренең береһе. Мулла. Сығышы менән Себер даруғаһы Көҙәй улусы башҡорттарынан. Көҙәй улусы старшинаһы вазифаһын башҡара.

Юлдаш Рәхмәтуллин (1786 йыл — ?) — хәрби эшмәкәр. 1812 йылғы Ватан һуғышында һәм Рус армияһының сит илгә 1813—1814 йылдарҙағы походтарында ҡатнашыусы.

Ахунбабаев Юлдаш Ахунбабай улы (үзб. Yo‘ldosh Oxunboboyevich Oxunboboyev, 1 июль 1885, Мәрғылан, Мәрғылан өйәҙе, Фирғәнә өлкәһе, Рәсәй империяһы — 28 февраль 1943 (57 йәш), Ташкент, СССР) — совет партия-дәүләт эшлмәкәре, Үзбәк ССР-ы ҮБК (1925—1938) һәм Үзбәк ССР-ы Юғары Советы президиумы (1938—1943) рәйесе.

Ураҡсин Юлдаш Зиннур улы — Башҡортостан Республикаһының Зәки Вәлиди исемендәге Милли китапхана директоры.

Фамилияларҙа

Юлдашев Ҡанбулат — башҡорт ихтилалдары етәкселәренең береһе.

Юлдашев Марс Тимербулат улы (1937 йыл) — табип һәм медицина ғалиме, әүҙем йәмәғәт эшмәкәре, медицина фәндәре докторы, профессор.

Юлдашев Роберт Нәжип улы (1971 йыл) — ҡурайсы, Шәйехзада Бабич исемендәге республика йәштәр премияһы лауреаты.

Юлдашев Хисмәт Хәсән улы (1957 йыл) — башҡорт шағиры.

Юлдашев Әхнәф Әхмәт улы (1920 йыл — 1980 йыл) — башҡорт теле белгесе, төркиәтсе.

Юлдашева Тамара Ишбулды ҡыҙы (Тамара Искәндәриә; 1958 йыл) — башҡорт шағирәһе, журналист, «Аҡбуҙат» балалар журналының баш мөхәррире.

Ауылдар

Юлдаш (Учалы районы) (рус. Юлдашево) — Башҡортостандың Учалы районындағы ауыл урынлашҡан.

Юлдаш (Ишембай районы) (рус. Юлдашево) — ауыл, Башҡортостандың Ишембай районында урынлашҡан.

Юлдаш (Фёдоровка районы) (рус. Юлдашево) — ауыл, Башҡортостандың Фёдоровка районында урынлашҡан.

Юлдаш (Балаҡатай районы) (рус. Юлдашево) — ауыл, Башҡортостандың Балаҡатай районында урынлашҡан.

Юлдаш (Ейәнсура районы) — Ейәнсура районы Этҡол ауылының икенсе атамаһы.

Юлдаш (Ауырғазы районы) (рус. Юлдашево) — ауыл, Башҡортостандың Ауырғазы районында урынлашҡан.

Юлдаш (Ҡариҙел районы) (рус. Юлдашево) — ауыл, Башҡортостандың Ҡариҙел районында урынлашҡан.

Юлдаш (Әбйәлил районы) (рус. Юлдашево) — ауыл, Башҡортостандың Әбйәлил районында урынлашҡан.

Юлдаш (Ҡоншаҡ районы) (рус. Юлдашева) — Силәбе өлкәһенең Ҡоншаҡ районындағы ауыл.

Юлдаш (Наҙы-Петровск районы) (рус. Юлдашево) — Силәбе өлкәһенең Наҙы-Петровск районындағы ауыл.

Шулай уҡ ҡарағыҙ

• Башҡортостан юлдаш телевидениеһы — Башҡортостан телеканалы.
• Иҫке Юлдаш — Ырымбур өлкәһенең Ҡыҙыл Гвардия районындағы ауыл.
• Кесе Юлдаш — Ырымбур өлкәһенең Ҡыҙыл Гвардия районындағы ауыл.
• Үрге Юлдаш — исемдәш тораҡ пункттар исемлеге.
• Яңы Юлдаш — Ырымбур өлкәһенең Ҡыҙыл Гвардия районындағы ауыл.

Сығанаҡтар

• Башҡорт исемдәре / Таңһылыу Күсимова, Cветлана Бикҡолова. — Өфө: Китап, 2005. – 224 бит.
• Күсимова Таңһылыу. Исемдәр донъяһында. Башҡорт исемдәре һүҙлеге, башҡорт һәм рус телдәрендә. — Өфө: Башҡортостан китап нәшриәте, 1991. — 192 бит.
• Сулейманова Р. А. Башкирско-русский словарь-справочник личных имен и фамилий. — Уфа, 2013. — 364 с. ISBN 978-5-91608-111-4.
• Тупеев С. Х. Башкирский именник. Справочник личных имен с написанием вариантов на русском и башкирском языках. — Уфа, 2004.
• Хисамитдинова Ф.Ғ., Султанова Р. И. Русско-башкирский словарь — справочник личных имен, отчеств, фамилий. — Уфа, 2004.
• Хисамитдинова Ф.Ғ., Төпәев С. Х. Төрки сығанаҡлы һәм төрки элементлы башҡорт исемдәре. — Өфө, 2006.

Яңы сығанаҡ өҫтәү өсөн «Ҡалып:Исемдәр донъяһында» сәхифәһен үҙгәртегеҙ