Фәттәхов Рафаэль Сәлихан улы
Фәттәхов Рафаэль Сәлихан улы (10 июнь 1942 йыл — 1 март 2015 йыл) — ауыл хужалығы, комсомол, партия һәм муниципаль органдар хеҙмәткәре. Кушнаренко район хакимиәтенең элекке башлығы. Башҡорт АССР-ының 12-се саҡырылыш (1991—1995) Юғары Советы, Башҡортостан Республикаһының беренсе (1995—1999) һәм икенсе саҡырылыш (1999—2003) Дәүләт Йыйылышы — Ҡоролтай депутаты. Рәсәйҙең атҡаҙанған ауыл хужалығы хеҙмәткәре (1994). Башҡорт АССР-ы Юғары Советы Президиумының Почёт грамотаһы менән бүләкләнеүсе. Райондың почётлы гражданы (2012).
| Фәттәхов Рафаэль Сәлихан улы | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 10 июнь 1942 |
| Тыуған урыны | Байталлы, Рәсәй |
| Вафат булған көнө | 1 март 2015 (72 йәш) |
| Вафат булған урыны | Кушнаренко районы, Башҡортостан Республикаhы, Рәсәй |
| Һөнәр төрө | сәйәсмән, ауыл хужалығы һөнәре |
| Биләгән вазифаһы | хакимиәт башлығы[d] |
| Уҡыу йорто |
Октябрҙең 40 йыллығы исемендәге Башҡорт дәүләт университеты Башҡортостан ауыл хужалығы институты |
| Маҡтаулы исемдәре һәм башҡа бүләктәре |
  |
Биографияһы үҙгәртергә
Рафаэль Сәлихан улы Фәттәхов 1942 йылдың 10 июнендә Башҡорт АССР-ының Кушнаренко районы Байталлы ауылында тыуа. Урта мәктәпте тамамлағандан һуң, хеҙмәт юлын Өфө ҡалаһында «Востокнефтепроводстрой» тресының 1-се автобазаһында слесарь булып башлай. Һуңынан Өфө телефон аппаратуралары заводында слесарь була. 1968 йылдан ВЛКСМ-дың Кушнаренко район комитетында ойоштороу бүлеге инструкторы, 2-се секретарь булып эшләй[1]. 1969 йылда Башҡорт дәүләт университетын тамамлай. 1971 йылдан ВЛКСМ-дың Кушнаренко район комитетының 1-се секретары[1]. 1973 йылдан Ленин исемендәге колхоздың партия комитеты секретары. 1980 йылда икенсе юғары белем ала — Башҡортостан ауыл хужалығы институтын тамамлай. Шул уҡ йылда тыуған районында «Большевик» колхозы рәйесе итеп һайлана. 1985 йылдан инде район хакимиәтен етәкләй. 1999 йылдан — икмәк бешереү предприятиеһы директоры, 2001 йылда Кушнаренко район советы рәйесе урынбаҫары. Башҡорт АССР-ы Юғары Советының 12-се, Башҡортостан Республикаһы Дәүләт Йыйылышы — Ҡоролтайҙың 1-2-се саҡырылыштары депутаты. Рафаэль Сәлихан улы 2015 йылдың 1 мартында Кушнаренко районында вафат була.
Маҡтаулы исемдәре һәм башҡа бүләктәре үҙгәртергә
- Рәсәй Федерацияһының атҡаҙанған ауыл хужалығы хеҙмәткәре (1994)
- «Хеҙмәт отличиеһы өсөн» миҙалы (1993)
- СССР Ауыл хужалығы ҡаҙаныштары күргәҙмәһенең алтын миҙалы (1984)
- ВЛКСМ Үҙәк Комитетының Почёт грамотаһы
- Башҡорт АССР-ы Юғары Советы Президиумының Почёт грамотаһы
- Кушнаренко районының почетлы гражданы (2012)[2].
Иҫкәрмәләр үҙгәртергә
- ↑ 1,0 1,1 Персоналии издания «Башкирский комсомол»
- ↑ Фаттахов Рафаэль Салихович 2020 йыл 27 ноябрь архивланған.
Сығанаҡтар үҙгәртергә
- Персоналии издания «Башкирский комсомол»
- Фаттахов Рафаэль Салихович 2020 йыл 27 ноябрь архивланған.
Һылтанмалар үҙгәртергә
- Башкирская энциклопедия — Фаттахов Рафаэль Салиханович (рус.) (Тикшерелеү көнө: 9 июнь 2022)