Бәширова Фирҙәүес Тимербулат ҡыҙы
Эссэлэмэгэлэйкум уэ рэхмэтуллаhу уэ бэрэкэтуhy Кэзерле мухэрирзэр
Бәширова Фирҙәүес Тимербулат ҡыҙы (14 октябрь 1945 йыл) — башҡорт шағиры, дәүләт һәм йәмәғәт эшмәкәре. 1997 йылдан Башҡортостан Яҙыусылар союзы ағзаһы. Татарстан Республикаһы башҡорттары ҡоролтайы рәйесе (2002). Башҡортостан Республикаһының Халыҡтар дуҫлығы ордены кавалеры һәм атҡаҙанған мәҙәниәт хеҙмәткәре (2005).
Биографияһы үҙгәртергә
Фирҙәүес Тимербулат ҡыҙы Бәширова 1945 йылдың 14 октябрендә Башҡорт АССР-ының Маҡар районы Смаҡай ауылында (хәҙер Ишембай ҡалаһының бер биҫтәһе) тыуған[1].
1964 йылда Ишембайҙың 2-се интернат-мәктәбен көмөш миҙалға тамамлай. Хеҙмәт юлын 1968 йылда Силәбе өлкәһенең Арғаяш районы Бажыҡ ауылында физика уҡытыусыһы булып башлай. Артабан Башҡортостандың Бәләбәй ҡалаһындағы машиналар эшләү техникумында уҡыта. 1971 йылда Силәбе дәүләт педагогия институтында диплом яҡлай.
Кейәүгә сығып, Татарстанға күсеп барғас, «КамАЗ»да инженер, Яр Саллы ҡалаһының Автозавод район Советы башҡарма комитетында экономист була. Күп йылдар Татарстан Республикаһы Президенты аппаратында халыҡ-ара мөнәсәбәттәр буйынса референт, республиканың төбәк һәм милли сәйәсәт министрлығында төп белгес вазифаларын башҡара.
Йәмәғәт эшмәкәрлеге үҙгәртергә
Фирҙәүес Бәширова Татарстан Республикаһы башҡорттары ҡоролтайы рәйесе, күрше төбәктә башҡорт мәҙәниәтен пропагандалауға, унда йәшәгән милләттәштәребеҙ араһында халҡыбыҙҙың йолаларын һәм ғөрөф-ғәҙәттәрен һаҡлап ҡалыуға һәм артабан үҫтереүгә ҙур өлөш индерә.
Әҙәби ижады үҙгәртергә
Фирҙәүес Бәширова мәктәптә уҡыған йылдарында шиғырҙар яҙа башлай[2]. Тәүге шиғырҙары девушек" (Казань, 1984) коллектив йыйынтарында нәшер ителә. «Һаташыу» һәм «Мин ҡайтмам» поэмалары, «Йөрәгем һеҙҙең өсөн тибә» (Ҡаҙан, 1987), «Йылы һүҙ көтәм» (Ҡаҙан, 1994) һәм «Үҙ яҙҙарыма ҡайтам» (Өфө, 1996) шиғырҙар йыйынтыҡтары, шулай уҡ Смаҡай тарихы тураһында — «Беҙ — Смаҡай ейәндәре» исемле китабы һәм башҡа әҫәрҙәре билдәле[2][3].
Башҡорт һәм татар телдәрендә яҙа. Ҡайһы бер әҫәрҙәре урыҫ теленә тәржемә ителгән.
Гәзит һәм журналдарҙа баҫылған әҫәрҙәре үҙгәртергә
- Ғаләм-күңелдәрҙе айҡар өсөн… (Шиғыр шәлкеме) — «Башҡортостан» гәзите, 2015, 10 октябрь[4].
Әҙип ваҡытлы матбуғатта үҙгәртергә
- Рәшит Шәкүр. Тура ҡарап заман күҙҙәренә. «Башҡортостан» гәзите, 2015, 20 ноябрь[5].
- Романов В. Живой родник творчества Фирдаус Башировой (К юбилею известной поэтессы и общественного деятеля) — «Башинформ» мәғлүмәт агентлығы, 2015, 14 октябрь[1]. (рус.)
Маҡтаулы исемдәре һәм башҡа бүләктәре үҙгәртергә
- Башҡортостан Республикаһының атҡаҙанған мәҙәниәт хеҙмәткәре
- Башҡортостандың Халыҡтар дуҫлығы ордены
- «КАМАЗ»-ды төҙөү ударнигы
- Татарстан Республикаһының Почёт грамотаһы
- «Ҡазан ҡалаһының 1000 йыллығы иҫтәлегенә» миҙалы
Өҫтәмә мәғлүмәт үҙгәртергә
- Ире Бәширов Йәдкәр Әхәт улы (11.06.1942), сығышы менән Башҡортостандың Көйөргәҙе районы Аллабирҙе ауылынан, хужалыҡ эшмәкәре, рәссам һәм ғалим-социолог, башҡорт халҡының тарихына арналған фәнни-популяр китаптар авторы[6][7] (рус.) (Тикшерелеү көнө: 24 июнь 2020)[8].
Иҫкәрмәләр үҙгәртергә
- ↑ 1,0 1,1 «Башинформ» мәғлүмәт агентлығы, 2015, 14 октябрь (рус.)
- ↑ 2,0 2,1 Фирдаус Баширова. Издательство «КИТАП». Дата обращения: 9 июнь 2015. Архивировано из оригинала 23 июнь 2015 года. 2015 йыл 23 июнь архивланған.
- ↑ Три века смакая. Газета "Восход". Дата обращения: 9 июнь 2015. Архивировано из оригинала 22 июнь 2015 года. 2015 йыл 9 июнь архивланған.
- ↑ «Башҡортостан» гәзите, 2015, 10 октябрь 2016 йыл 9 март архивланған.
- ↑ «Башҡортостан» гәзите, 2015, 20 ноябрь 2017 йыл 29 сентябрь архивланған.
- ↑ Сайт «Лайвлиб». Ядкар Баширов — об авторе
- ↑ О родном крае с любовью рассказал в своей книге наш земляк Ядкар Баширов 2015 йыл 23 июнь архивланған.
- ↑ Ядгар Баширов: «У моего народа — богатая история, глубокие корни». ИА «Башинформ», 23 августа 2021 года (рус.) (Тикшерелеү көнө: 23 август 2021)
Сығанаҡтар үҙгәртергә
- Писатели земли башкирской. Справочник / (сост.: Р. Н. Баимов, Г. Н. Гареева, Р. Х. Тимергалина). Переработанное и дополненное второе издание. — Уфа: Китап, 2015. — 672 с. ISBN 978-5-295-06338-1 (рус.) (Тикшерелеү көнө: 23 август 2021)
- Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с. (рус.) (Тикшерелеү көнө: 23 август 2021)
Һылтанмалар үҙгәртергә
- Бәширова Фирҙәүес Тимербулат ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 23 август 2021)
- Башҡортостан Республикаһының Әхмәтзәки Вәлиди исемендәге Милли китапханаһының электрон бүлегендә башҡорт телендәге әҫәрҙәре