Таштыҡоръятмаҫ

Таштыҡоръятмаҫ  — Көньяҡ Уралдағы Башҡортостан Республикаһының Әбйәлил районы территорияһында урынлашҡан тау һырты.

Таштыҡоръятмаҫ
Дәүләт	Рәсәй
Административ-территориаль берәмек	Башҡортостан Республикаhы
Диңгеҙ кимәленән бейеклек	593 метр

Таштыҡоръятмаҫ һырты Башҡортостандың (Көньяҡ) Урал меридианы буйлап Әбйәлил ауылы киңлегенән Ҡушый ауылы киңлегенә тиклем һуҙылған.

Оҙонлоғо — 13 км, киңлеге — 2 км, иң бейек нөктәһе — Олотау (656 м).

Һырт ҡатламы башҡорт һәм турней эзбизташ һәм доломит ярустарынан тора.

Мағаҡ, Йәнгел йылға ҡушылдыҡтарының башланған урыны булып тора. Тау һырттары нигеҙендә Сыбаркүл күле ята.

Ландшафтын ҡарағай, ҡайын, япраҡлы ағастар урманы, һоро урман тупраҡлы тау далалары һәм ҡара тупраҡлы болон далалары тәшкил итә.

Топонимикаһы

Таштыҡоръятмаҫ һыртының исеме башҡорт телендәге һүҙҙәрҙән яһалған: «таш» — ташлы һәм «ҡоро ятмаҫ» — кипмәй торған, еүеш мәғәнәһен бирә.

Һылтанмалар

• Издательство Квест

• ТАШТЫҠОРЪЯТМАҪ // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.