Сәлихов Хафиз Мирғазәм улы
Сәлихов Хафиз Мирғазәм улы (лат. Хафиз улы Салихо Миргаҗәм; 5 сентябрь 1950 йыл) — ғалим-физик, дәүләт эшмәкәре. Рәсәйҙең бишенсе саҡырылыш Дәүләт Думаһы депутаты. 1998—2001 йылдарҙа Татарстан Республикаһының сауҙа һәм тышҡы иҡтисади хеҙмәттәшлек министры. 2011 йылданреспубликаның Еңел атлетика федерацияһы президенты. Физика-математика фәндәре докторы.
| Сәлихов Хафиз Мирғазәм улы | |
 | |
| Тыуған: | 5 сентябрь 1950 (73 йәш) Әлмәт, Сарман районы, Татар Автономиялы Совет Социалистик Республикаһы[d], РСФСР, СССР |
|---|---|
| Белеме: | А.Н. Туполев исемендәге Ҡаҙан дәүләт техник университеты |
| Ғилми дәрәжәһе: | физика-математика фәндәре докторы[d] |
Биографияһы үҙгәртергә
Хафиз Мирғазәм улы Сәлихов 1950 йылдың 5 сентябрендә Татар АССР-ы Сарман районы Әлмәт ауылында тыуған. 1967 йылда урта мәктәпте көмөш миҙалға тамамлай һәм Туполев исемендәге Ҡазан авиация институтының радиотехника факультетына уҡырға инә. 1974 йылда «Радиоэлектрон ҡоролмалар» һөнәре буйынса ошо уҡыу йортон тамамлай.
1974—1989 йылдарҙа Ҡазан юғары хәрби-инженер училищеһында инженер булып эшләй.
1988 йылда диссертация яҡлап «физика-математика фәндәре кандидаты» ғилми дәрәжәһен ала.
1989 йылдан «Центр услуг» предприятиеһеның генеральный директор булып эшләй.
1994— 1998 йылдарҙа Татарстан Республикаһы министрҙар кабинеты ҡарамағындағы халыҡ-ара хеҙмәттәшлек үҫеш буйынса агентлығының генераль директоры.
1998 йылда Татарстан Республикаһының иҡтисади хеҙмәттәшлек һәм сауҙа министры итеп һайлана.
2001 йылдан 2007 йылға тиклем Татарстан Республикаһы менән тышҡы иҡтисади хеҙмәттәшлек һәм сауҙа министры вазифаһын биләй.
2007 йылда Татарстан Республикаһынан «Берҙәм Рәсәй» исемлеге буйынса V сағырылыш Рәсәй Федерацияһы Федераль Собраниеһы Дәүләт думаһы депутаты итеп һайлана. Иҡтисади сәйәсәт һәм эшҡыуарлыҡ комитетының дәүләти-хосуси партнерлыҡты үҫтереү буйынса РФ Дәүләт Думаһы подкомитеты рәйесе булып эшләй.
2011 йылда «Баҙар иҡтисадында инфраструктура» һөнәре буйынса Джон Ф. Кеннеди исемендәге идарә мәктәбен тамамлай.
2011 йылдың 7 февралендә Еңел атлетика федерацияһы конференцияһында федерация президенты итеп һайлана.
2012 йылдан - Берләшкән Милләттәр Ойошмаһының Европа экономик комиссияһының дәүләти-хосуси партнерлыҡ буйынса белгестәр төркөмө рәйесе урынбаҫары.
Закондар сығарыу эшмәкәрлеге үҙгәртергә
2007 йылдан 2011 йылға тиклем V саҡырылыш Дәүләт Думаһы депутаты вәкаләттәрен үтәү барышында 32 закон сығарыу инициативаһы һәм федераль закон проекттарына төҙәтмәләр индереүсе булып сығыш яһаны.[1].
Маҡтаулы исемдәре һәм башҡа бүләктәре үҙгәртергә
- Дуҫлыҡ Ордены (2020)
- «Татарстан Республикаһы алдындағы хеҙмәттәре өсөн» ордены (2020)
- «Татарстан Республикаһы алдындағы хеҙмәттәре өсөн» миҙалы (2015)
- «Хеҙмәт батырлығы өсөн» Татарстан Республикаһы миҙалы (2010)
- «Ҡазандың 1000 йыллығы» миҙалы (2005)
- «Санкт-Петербургтың 300 йыллығы» миҙалы(2003)
- Рәсәй Федерацияһы Президентының Почет грамотаһы (2011)
Китаптары һәм баҫмалары үҙгәртергә
90-дан ашыу фәнни мәҡәлә авторы.
- Салихов Х. М. Оптоэлектронные сенсоры водорода на основе диодов Шоттки на кремнии и гетероструктурах полупроводников А3В5. С.-Петербург.: изд. Политехнического Университета, 2010. — 100 с.
- Салихов Х. М., Яковлев Ю. П., Стоянов Н.Д… Портативный оптический анализатор содержания воды в нефти на основе оптопары «Светодиодная матрица-широкополосный фотодид» среднего ИК диапазона (1.6-2.4 µm) // Журнал технической физики, — 2010 г. — № 2, т.80.— С. 99 — 104.
- Слободчиков С. В., Салихов Х. М., Руссу Е. В., Малинин Ю. Г. Гашение тока светом в диодных структурах p-Si-n±ZnO-n-ZnO-Pd. // Физика и техника полупроводников,.— 2001.— № 4. т. 35.— С. 479—481.
- Салихов Х. М., Слободчиков С. В., Малинин Ю. Г. Фотоэлектрические свойства гетероструктур Au — n — In2О3 — n(р) — InP: Сборник научн.-техн. статей ВАКИУ, г. Ка-зань, стр. 69 — 71, 1997.
- Андрушко А. И., Салихов Х. М., Слободчиков С. В. О механизмах рекомбинации в кристаллах арсенида // Физика и техника полупроводников — 1986. -т. 20.— в. 3.— С. 402—406.
Иҫкәрмәләр үҙгәртергә
- ↑ Официальный сайт Государственной Думы Федерального Собрания Российской Федерации. 2020 йыл 9 октябрь архивланған.