Сүфйән әҫ-Ҫәүри

Әбү Ғабдуллаһ Сүфйән ибн Сәғит әҫ-Ҫәүри (ғәр. أبو عبد الله سفيان بن سعيد الثوري‎; 716 Әл-Күфә — 778, Бәсра) — Имам, Мөжтәһид, Мөхәддис, математик, әлеге ваҡытта юҡҡа сыҡҡан ҫәүри мәҙһәбкә нигеҙ һалыусы һәм уның эпонимы. Әл-Жәми әл-Кәбир һәм әл-Жәми әс-Сәғир йыйынтыҡтары авторы.

Сүфйән әҫ-Ҫәүри
Зат	ир-ат
Гражданлыҡ	Өмәүиҙәр хәлифәлеге  Ғәббәсиҙәр хәлифәлеге
Тыуған көнө	716
Тыуған урыны	Әл-Күфә, Ираҡ
Вафат булған көнө	778
Вафат булған урыны	Бәсра, Ираҡ
Атаһы	Саид ибн Масрук[d]
Һөнәр төрө	Мөхәддис, Мөфәссир
Эшмәкәрлек төрө	Хәҙис ғилеме һәм тәфсир
Уҡыусылар	Ибн аль-Мубарак[d], Суфьян ибн Уяйна[d], Абд ар-Раззак ас-Санани[d] һәм Ахмад ибн Абу Тайба ад-Дарими[d]
Кемдә уҡыған	Айюб ас-Сахтияни[d], Шу’ба ибн аль-Хаджжадж[d], Жәғәфәр әс-Садиҡ, Мәлик ибн Әнәс һәм Хаммад ибн Абу Сулейман[d]
Авторлыҡ хоҡуҡтары статусы	авторлыҡ хоҡуҡтарының ғәмәлдә булыу ваҡыты үткән[d]

Биографияһы

Әҫ-Ҫәүри һижри 97 йылда Әл-Күфә ҡалаһында тыуған. Ул мөхәддис, тәбиғин дәрәжәһенә эйә атаһы (Әмир әш-Шәғәби һәм Хәйсәм ибн Ғабдрахман кеүек ғалимдарҙың уҡыусыһы) етәкселегендә белем ала башлай.

Әҫ-Ҫәүриҙең шәйехтәре араһында алты йөҙ тирәһе ғөләмә була, уларҙың ҡайһы берҙәре Әбү Һөрәйрә, ибн Ғәббәс, Жәрир ибн Ғабдуллаһ һ. б. хәҙистәрен тапшырған.

Әҫ-Ҫәүриҙән бик күп мөхәддистәр, хатта уның уҡытыусыларына тиклем, хәҙистәр тапшыра (Әбү-л-Фәрәж ибн әл-Жәузи 20 мең тип телгә алған булған), уларҙың иң билдәлеһе: әл-Ғәмәш, Жәғәфәр әс-Садиҡ, Әбү Хәнифә, әл-Әүзағи һәм башҡа бик күптәр.

Сүфйән Әҫ-Ҫәүри математика белгесе лә була. Ул әл-Хәжәж әл-Мәттәргә биргән 10 мәсьәләне тегеһе сисә алмаған.

Үлеме алдынан Әҫ-Ҫәүри Бәсраға күсеп килә һәм шунда эсе ауыртып, сирләп китә. Һижри 161 йылда вафат була, һәм уның йыназаһын, васыятына ярашлы, Ғәбдел-Мәлик ибн Әбжәр әл-Күфи башҡара.

Библиографияһы

• «Тәфсир» (Сүфйән Әҫ-Ҫәүри тәфсире)
• "Әл-Жәми әл-Кәбир " (Ҙур йыйынтыҡ)
• «Әл-Жәми әс-Сәғир» (Бәләкәй йыйынтыҡ)
• «Әл-Фәрәид»

Әҙәбиәт

• аз-Захаби. «Суфьян ас-Саури» // «Сияр а’лам ан-нубала».

Һылтанмалар

• Суфьян ибн Са’ид ибн Масрукъ ас-Саури (краткая биография на рус.)  (урыҫ). Salafportal.ws. Дата обращения: 5 март 2013. Архивировано 24 март 2013 года.