Кузеев Рәил Ғүмәр улы

(Рәил Кузеев битенән йүнәлтелде)

Рәил Ғүмәр улы Кузеев ( 10 ғинуар 19292 август 2005) — күренекле этнолог һәм тарихсы. Тарих фәндәре докторы (1971), профессор (1972). Рәсәй фәндәр академияһының мөхбир ағзаһы (1991)[1], Башҡортостан Республикаһы Фәндәр академияһы академигы (1991), Сыуаш Республикаһы Фән һәм сәнғәт милли академияһының почётлы академигы (1996). РСФСР‑ҙың (1979) һәм БАССР‑ҙың (1969) атҡаҙанған фән эшмәкәре.

Рәил Ғүмәр улы Кузеев
Кузеев, Раиль Гумерович.jpg
Тыуған көнө:

10 ғинуар 1929({{padleft:1929|4|0}}-{{padleft:1|2|0}}-{{padleft:10|2|0}})

Тыуған урыны:

Әмин ауылы, Өфө кантоны, Башҡорт АССР, РСФСР, СССР (хәҙерге Башҡортостандың Шишмә районы)

Вафат булыу көнө:

2 август 2005({{padleft:2005|4|0}}-{{padleft:8|2|0}}-{{padleft:2|2|0}}) (76 йәш)

Вафат булған урыны:

Өфө, Башҡортостан Республикаһы, Рәсәй Федерацияһы

Гражданлығы:

Совет Социалистик Республикалар Союзы СССРРәсәй Рәсәй

Ғилми өлкәһе:

тарих, этнография

Ғилми дәрәжәһе:

тарих фәндәре докторы (1971)

Ғилми исеме:

профессор,
РФА-ның мөхбир ағзаһы (1991)

Уҡыу йорто:

К. А. Тимирязев исемендәге Башҡорт педагогия институты

Награда һәм премиялары


Хеҙмәт Ҡыҙыл Байраҡ ордены Халыҡтар Дуҫлығы ордены Почёт ордены

Йөкмәткеһе

БиографияһыҮҙгәртергә

Кузеев Рәил Ғүмәр улы 1929 йылдың 10 ғинуарында Башҡорт АССР-ы Өфө кантонының (хәҙерге Башҡортостан Республикаһы Шишмә районының) Әмин ауылында күп балалы крәҫтиән ғаиләһендә тыуған. Атаһы — Ғүмәр Ғабдрахман улы Кузеев заманына күрә белемле кеше булған, уның дүрт улы һәм бер ҡыҙы юғары уҡыу йорттарын тамалағандар, шулар араһынан ағаһы — Рөстәм Ғүмәр улы (1923—1998) тарих фәндәре докторы дәрәжәһен алыуға ирешкән. 1930 йылда атаһын кулак тип хөкөм иткәндән һуң[2], ғаиләһе Өфө ҡалаһына күсергә мәжбүр була[3].

Рәил Кузеев фабрика-завод өйрәнсектәр мәктәбендә һәм тау-геология техникумында белем ала. Артабан Ленинград дәүләт тимер юл транспорты институтының күперҙәр һәм тоннелдар факультетында беренсе курсында уҡый, ауырып кире Өфөгә ҡайта[3]. Бында К. А. Тимирязев исемендәге Башҡорт педагогия институтының тарих факультетына уҡырға инә һәм уны 1950 йылда тамамлай.

1950—1951 һәм 1954—1983 йылдарҙа СССР ФА Башҡортостан филиалының Мәжит Ғафури исемендәге Тарих, тел һәм әҙәбиәт институтында эшләй: 1955—1961, 1967—1968 һәм 1976—1978 йылдарҙа археология, этнография һәм халыҡ сәнғәте бүлеге мөдире, шул уҡ ваҡытта 1960—1987 йылдарҙа СССР ФА Башҡортостан филиалының Президиумы рәйесе урынбаҫары вазифаларын башҡара[4].

1960—1970 йылдарҙа Башҡорт дәүләт университетында уҡытыусы булып эшләй.

1973—1994 йылдарҙа Башҡорт дәүләт педагогия институтында уҡыта һәм бер үк ваҡытта 1974—1975 йылдарҙа һәм 1989 йылда СССР тарихы һәм дөйөм тарих кафедраһының (һуңыраҡ СССР тарихы кафедраһының) мөдире вазифаһын башҡара.

1983—1999 йылдарҙа Рәсәй фәндәр академияһының Өфө фәнни үҙәгенең Урал халыҡтары бүлеге менән Археология һәм этнография музейы мөдире, бер үк ваҡытта 1995—1996 йылдарҙа Башҡортостан Республикаһы Фәндәр академияһының вице-­президенты вазифаһын башҡарыусы булып эшләй.

1999—2001 йылдарҙа Рәсәй фәндәр академияһының Өфө фәнни үҙәгенең Этнологик тикшеренеүҙәр үҙәге директоры.

Йәмәғәт эшмәкәрлегеҮҙгәртергә

1966—1972 йылдарҙа Рәил Ғүмәр улы Бөтә Рәсәй тарих һәм мәҙәниәт ҡомартҡыларын һаҡлау йәмғиәтенең Башҡортостан республика бүлексәһе рәйесе була. 1973 йылдан алып археография комиссияһының Көньяҡ Урал бүлексәһе рәйесе, 1973—1985 йылдарҙа Совет-һинд дуҫлығы йәмғиәтенең Башҡортостан республика бүлексәһе рәйесе, Совет-һинд дуҫлығы йәмғиәтенең вице-президенты вазифаларын үтәй[5].

1984—1991 йылдарҙа РСФСР «Белем» йәмғиәтенең Башҡортостан республика ойошмаһының, бер үк ваҡытта 1987—1992 йылдарҙа СССР мәҙәниәте фондының вице-президенты була. 1981—1985 йылдарҙа БАССР Юғары Советы депутаты һәм 1985—1987 йылдарҙа Өфө ҡала советы депутаты була[5].

1995—1997 йылдарҙа Рәсәй этнографтары һәм антропологтары ассоциацияһы рәйесе. 1994—1998 йылдарҙа Президент Советы ағзаһы, 1994 йылдан башлап Башҡортостан Республикаһы Президенты ҡарамағындағы Йәмәғәт кәңәшмәһе рәйестәренең береһе[4].

Ғилми эшмәкәрлегеҮҙгәртергә

Ғилми эшмәкәрлеге этнос теорияһын, Волга-Урал тарихи мәҙәни-өлкәнең халыҡтарының этник-мәҙәни формалашыуына һәм этномәҙәни аралышыуын, бер-береһенә йоғонто яһауын, башҡорттарҙың этногенезын һәм этник тарихын өйрәнеүгә бағышланған[4].

ХеҙмәттәреҮҙгәртергә

  • Очерки исторической этнографии башкир. Ч. 1: Родоплеменные организации башкир в XVII—XVIII в. — Уфа: Башкнигоиздат, 1957.
  • Башкирские шежере (сост., пер. текстов, введ. и комм.). Уфа: Башкнигоиздат, 1960.
  • Происхождение башкирского народа: Этнический состав, история расселения — М.: Наука, 1974. — 572 б.
  • Историческая этнография башкирского народа. — Уфа: Башкнигоиздат, 1978.
  • Бикбулатов Н. В., Кузеев Р. Г., Шитова С. Н. Декоративное творчество башкирского народа. — Уфа, 1979. (авторҙаш)
  • Очерки исторической этнографии башкир: Родоплеменные организации башкир в XVII—XVIII вв. — Уфа.
  • Народы среднего Поволжья и Южного Урала: этногенетический взгляд на историю. — М.: Наука, 1992.
  • Национальные движения в Волго-Уральском регионе и федерализм в России // Этничность и власть в полиэтничских регионах. — М.: Наука
  • Государственная программа «Народы Башкортостана». — Уфа
  • Этнополитическая история и современность Башкортостана. — Уфа, 1997.
  • Демократия. Гражданственность. Этничность: [Сборник] / Отв. ред. М. Н. Губогло; Рос. акад. наук, Центр по изучению межнац. отношений Ин-та этнологии и антропологии им. Н. Н. Миклухо-Маклая, Центр этнол. исслед. Уфим. науч. центра РАН. — М., 1999. — 371 с.

Бүләктәре һәм премияларыҮҙгәртергә

  • Башҡортостан Республикаһының фән һәм техника өлкәһендәге Дәүләт премияһы лауреаты (1999)
  • Хеҙмәт Ҡыҙыл Байраҡ ордены кавалеры (1971)
  • Халыҡтар дуҫлығы ордены кавалеры (1975)
  • Почёт ордены кавалеры (2000)

ХәтерҮҙгәртергә

 
Р. Ғ. Кузеев йәшәгән йортҡа ҡуйылған таҡтаташ
  • 2005 йылдан алып Кузеев уҡыуҙары үткәрелә.
  • Өфө ҡалаһында Р. Ғ. Кузеев йәшәгән йортҡа мемориаль таҡтаташ ҡуйылған.
  • 2011 йылда Рәсәй фәндәр академияһының Өфө фәнни үҙәгенең Этнологик тикшеренеүҙәр үҙәгенә уның исеме бирелгән[6].
  • 2012 йылда Археология һәм этнография музейында Р. Ғ. Кузеевҡа бюст ҡуйыла[7].
  • Өфөлә Р. Ғ. Кузеевтың ғилми хеҙмәттәре йыйынтығының беренсе томының исем туйы булды[8].

ИҫкәрмәләрҮҙгәртергә

  1. Кузеев Раиль Гумерович. Российская академия наук. 17 июнь 2015 тикшерелгән.
  2. Книга памяти жертв политических репрессий Республики Башкортостан. Т 3: К—М. / Редкол.: Ишмуратов Х. Х. (гл. ред.) и др.; Рабочая группа по подгот. рукоп.: Валеев Р. А. и др. — Уфа : Китап, 2005.
  3. 3,0 3,1 Раиль Гумерович Кузеев (1929—2005): Некролог // Этнографическое обозрение / Институт этнологии и антропологии им. Н. Н. Миклухо-Маклая РАН. — 2006. — № 1. — С. 187—190. (рус.)
  4. 4,0 4,1 4,2 Кучумов И. В. Кузеев Рәил Ғүмәр улы // Башҡорт энциклопедияһы — Өфө: «Башҡорт энциклопедияһы» ғилми-нәшриәт комплексы, 2015—2017. — ISBN 978-5-88185-143-9.
  5. 5,0 5,1 Кузеев Раиль Гумерович. Академия наук Республики Башкортостан. 17 июнь 2015 тикшерелгән. (рус.)
  6. Постановление Президиума РАН «О присвоении имени члена-корреспондента РАН Р.Г. Кузеева Учреждению Российской акаде­мии наук Институту этнологиче­ских исследований Уфимского научного центра РАН (представ­ление Центра и Отделения исто­рико-филологических наук)». Российская академия наук (2011-06-20). 17 июнь 2015 тикшерелгән. (рус.)
  7. Муртазина О. В Уфе появились памятники этнологам Льву Гумилеву и Раилю Кузееву. «Башинформ» (2012-09-28). 17 июнь 2015 тикшерелгән. (рус.)
  8. Смирнов А. Өфөлә Рәил Кузеевтың ғилми хеҙмәттәре йыйынтығының беренсе томының исем туйы булды. «Башинформ» (2015-09-30). 1 октябрь 2015 тикшерелгән.

ӘҙәбиәтҮҙгәртергә

  • Кузеев Раиль Гумерович: 70 лет. — Уфа, 1998. (рус.)
  • Кузеев Раиль Гумерович: библиографический указатель / Российская акад. наук, Уфимский науч. центр, Центр этнологических исслед., Российское об-во историков-архивистов, Башк. респ. отд-ние; [сост. Мамаева З. А.] — Уфа: ЦЭИ УНЦ РАН, 2006. (рус.)
  • Кузеев Раиль Гумерович. Ученый. Творец. Гражданин. Сборник статей. Уфа: ГУП РБ УПК, 2012. (рус.)

ҺылтанмаларҮҙгәртергә