Портал:Ағымдағы ваҡиғалар/Беҙҙең берләшмә ваҡиғалары/Архив/2

24 декабрь 2015 йыл

2015 йылдың 24 декабрендә Башҡорт Википедияһы ирекмәне Айсар Башҡорт дәүләт университеты Нефтекама филиалының 4 курс студенттары менән осрашыу үткәрҙе. Гуманитар факультеттың «журналистика» йүнәлеше буйынса белем алыусылар менән Википедия хаҡында йәнле һөйләшеү булды. Ҡыҙыҡһыныусыларҙың Википедияла мәҡәләләр яҙыу, уларҙы мөхәррирләү мәсьәләләренә, шулай уҡ виртуаль энциклопедия мәғлүмәттәрен ҡулланыуға арналған һорауҙарына ентекле яуаптар бирелде.

18 декабрь 2015 йыл

Башҡорт Викимедиасылары төркөмө вәкиле көн дауамында өс урында дүрт сарала ҡатнашты. Тулы фоторепортаж Викияңылыҡтар проектында ҡуйылған.

5 декабрь 2015 йыл

Өфө ҡалаһының 36-сы моделле китапханаһында вики-осрашыу үтте. Унда барлығы 32 кеше, шул иҫәптән һигеҙ викимедиасы ҡатнашты. Мәскәүҙән Дмитрий Рожков, Иерусалимдән Әмир Аһарони һәм Ҡазандан Фәрхәт бәйләнешкә сыҡты. Тулы мәғлүмәт осрашыу проекты битендә. Шулай уҡ Өфө ҡалаһының 36-сы моделлы китапхана сайтында мәғлүмәт бар. Осрашыу тураһында «Башинформ» мәғлүмәт агентлығы хәбәр итте — В Уфе волонтеры и библиотекари обсудили перспективы развития Википедии.

26 ноябрь 2015 йыл

Өфө ҡалаһының 26-сы моделле китапханаһында вики-осрашыу үтте. Викимедиасылар Рөстәм Нурыев һәм Фирүзә Абдуллина 136-сы башҡорт лицейы 5-се синыф уҡыусылары менән осрашты. Википедия тураһында һөйләнеләр, шиғырҙар уҡынылар. Алтынай менән Азаматтың яттан шиғыр һөйләгәнен тыңланылар. Осрашыу күңелле үтте.

26-сы модел китапхана сайтында вики-осрашыу тураһында мәғлүмәт «Барыһы ла яҡшы буласаҡ!»

• 
  Өфө, 26-сы китапхана, Рөстәм Нурыев, Азамат Байрамов, Фирүзә Абдуллина
• 
  Өфө, 26-сы китапхана, дөйөм фото, хәҙерге һәм буласаҡ викимедиасылар
• 
  Өфө, 26-сы китапхана, Алтынай
• 
  Өфө, 26-сы китапхана, Азамат
• 
  Өфө, 26-сы китапхана, Азамат
• 
  Өфө, 26-сы китапхана, 136-сы башҡорт лицейы, 5-се синыф уҡыусылары, буласаҡ викимедиасылар
• 
  Өфө, 26-сы китапхана, викимедиасы һәм шағирә Фирүзә Абдуллина үҙенең шиғырҙарын уҡый
• 
  Өфө, 26-сы китапхана, китапхана етәкәселәре менән
• 
  Өфө, 26-сы китапхана, Хазина - тыуған яҡты өйрәнеү үҙәге
• 
  Өфө, 26-сы китапхана, бәләкәй китаптар оло ғилем сығанағы
• 
  Өфө, 26-сы китапхана, китап музейы

11 ноябрь 2015 йыл

Вики-Метала Башҡортостан ҡатнашыусылары төркөмө 49-сы итеп дөйөм исемлеккә индерелде — был Башҡортостан ирекмәндәре төркөмөн рәсми таныу.

6 ноябрь 2015 йыл

Өфөнөң Үҙәк ҡала китапханаһында китапхана хеҙмәткәрҙәре менән йәнле осрашыу үтте. Рөстәм Нурыев ҡатнашыусыларҙы Википедия, унда башҡарылған эштәр һәм яңы проекттар менән таныштырҙы, һорауҙарға яуап бирҙе. Киләсәктә берлектәге саралар үткәреү тураһында фекер алышыу булды.

• Үҙәк китапхана сайтында мәғлүмәт Википедия в гостях у библиотеки.

• 
  Өфөнөң Үҙәк ҡала китапханаһында китапхана хеҙмәткәрҙәре менән осрашыу
• 
  Өфөнөң Үҙәк ҡала китапханаһында китапхана хеҙмәткәрҙәре менән осрашыу

9-11 сентябрь 2015 йыл

Эстонияның Тарту ҡалаһында һәм Вооре муниципалитетында Үҙәк һәм Көнсығыш Европа илдәре Вики-осрашыуы үтте. Осрашыуҙа башҡорт Википедияһынан Саган ҡатнашты. Йыйында Вики-клубтар ойоштороу, Википедияла ҡатын-ҡыҙҙар хәрәкәте, ирекле панорама тураһында һ.б.сығыштар булды. Осрашыу ваҡытында Викимедиа Фондейшндың өлкән хеҙмәткәре Асаф Бартов (Asaf Bartov) менән башҡорт Вики-проекттарын артабан үҫтереү тураһында кәңәшмә булды. Асаф Бартов Вики-ойошма төҙөү, Вики-Метала башҡорт ҡатнашыусылары төркөмөн теркәү, Викимедиа исемен һәм логотибын ҡулланыу, Викимедиа гранттарында ҡатнашыу тураһында консультациялар бирҙе.

4 август 2015 йыл, Вики-осрашыу

«Башҡорт Википедияһына 10 йыл!» бәйгеһе призеры YANBEKкә диплом тапшырыу

Башҡорт Википедияһы ирекмәндәренең инициатив төркөмө (һулдан уңға) Тимур Ғимранов, Саған, Alfiya55, Гүзәл Ситдиҡова, YANBEK, Рөстәм Нурыев

Өфө ҡалаһында беренсе Вики—осрашыу, инициатив төркөм йыйылышы үтте. Унда Башҡорт Википедияһы ирекмәндәре Саған, Alfiya55, Гүзәл Ситдиҡова, Рөстәм Нурыев, YANBEK, Тимур Ғимранов ҡатнашты. «Башҡорт Википедияһына 10 йыл!» дипломанты ирекмән YANBEKкә конкурс призы тапшырылды. Башҡорт Википедияһында артабанғы эшмәкәрлекте әүҙемләштереү тураһында етекле һөйләшеү булды.

Июнь 2015 йыл

Башҡортостан Республикаһы Фәндәр Академияһының Социаль-сәйәсәт һәм хоҡуҡи эҙәләнеүҙәр институтында «Википедия социаль мәғләүмәт сығанығы» исемендә ғилми семинар үтте (Саралар бүлеген ҡарағыҙ).

Вики-Һабантуй 2015 тураһында тулы фоторепортаж

Вики-Һабантуй 2015 тураһында тулы фоторепортаж

26 апрель 2015 йыл

Вики-Һабантуйҙа ҡатнашып, ҡанатланып ҡайттыҡ әле беҙ, дуҫтарым!

Шиғыр көтөп арып бөттөгөҙмө? Мин юлдарҙа һаман, дуҫтарым! Яңы дуҫтар табып, танышырға Ҡысып тора ине устарым! Шаулап-гөрләп үтте һабан туйы… Ябай түгел, Вики-Һабантуй! Донъя берләштергән был сарала Һәммәбеҙҙә булды уртаҡ уй. Белемдәрҙе йыйнап, туплау кәрәк! Интернетты һәр кем ҡулланһын!

Башҡорттарым үҙ тарихын яҙһын, Халҡын, ерен, илен данлаһын! Донъя тарихында эҙ ҡалдырып Һәр кем үтә ала, дуҫтарым! …Мин бөгөндән тағы һеҙҙең менән, Һеҙҙең өсөн һайрай ҡоштарым, Күрешергә ҡысый устарым! 26.04.2015. Фирүзә Абдуллина

25 апрель 2015 йыл

Конференция эше

• 
• 
• 
• 

24 апрель 2015 йыл

Ойоштороусылар, ҡатнашыусылар, бағымсылар менән ВикиОсрашыу. Башҡортса сәй эсеп алыу мәжлесе.

• 
• 
• 
• 
• 
• 
• 
  «Башинформ» мәғлүмәт агентлығында пресс-конференция үтте

23 апрель 2015 йыл

Вики-Һабантуйҙың төп саралары башланды.

Халыҡ-ара Викимедиа Фондының тел комитеты ағзаһы Әмир Аһарониҙың Өфөләге осрашыуҙары.

• 
  Өфө ҡалаһының 136-сы лицей уҡыусылары менән осрашыу
• 
  Әмир Аһарони Тарих, тел һәм әҙәбиәт институтында. Һулда институт директоры Фирҙәүес Хисаметдинова
• 
  Тарих, тел һәм әҙәбиәт институтында

Тағы бер шиғыр яҙылды

19.04.2015. Фирүзә Абдуллина.

Башҡорт Википедияһына ун йыллыҡ юбилейы айҡанлы.

Ул бәләкәй әле… Ун йәш кенә! Ләкин ниндәй ҡөҙрәт ҡулында! Күптәр уға мөрәжәғәт итә, Маяҡ итеп барыр юлында. Һәр кем уны үҫтерергә хаҡлы, Битарафтар ғына ситтәләр, Зыялылыр бында һәр кешенең Күңел ҡылдарына сиртәләр! Ил яҙмышы һине борсой икән, Телең өсөн әгәр көйөнһәң, Үҙ халҡыңдың һәр бер ҡаҙанышы, Уңыштары өсөн көйөнһәң -

Һинең урын бында! Рәхим итеп, Ҡалдыр әле һин дә эҙеңде! Халҡың, илең өсөн кәрәк итеп Тойорһоң һин шул саҡ үҙеңде. Башҡорт Википедияһы — беҙҙең тарих, Теләмәйбеҙ халыҡ бөлгәнде, Үҙе эҙләгәнде табыр өсөн, Һәр кем яҙһын үҙе белгәнде! Берләшәйек оло эштәр өсөн, Тупланайыҡ булып оло күс! Башҡорт Википедияһы, тупла беҙҙе!, Башҡорт Википедияһы, йәшә, үҫ!!

Беренсе шиғыр яҙылды

18-04-2015. Беренсе шиғыр яҙылды. Авторы Тамара Искәндәриә.

Башҡорт википедияһына — 10 йыл!

Башҡорт википедияһы — Ниндәй ғорур яңғырай! Бынан һуң яңғыҙ булмабыҙ, Булмабыҙ һис яндырай! Булмабыҙ беҙ үҙен-үҙе Кәмһеткән ялҡау халыҡ. Милләтте күтәреүсе ул — Википедиясы Алып!

Юғалмаҫ башҡорт, танытһа Киң донъяға үҙ йөҙөн. Азат, Илһамлы Илһөйәр Еткерер башҡорт һүҙен! Тамара Искәндәриә

Конкурсҡа йомғаҡ яһалды

02-04-2015 — «Башҡорт Википедияһына 10 йыл!» — Башҡорт Википедияһында беренсе тапҡыр үткәрелгән конкурсҡа йомғаҡ яһалды. Конкурс сиктәрендә 764 яңы мәҡәлә яҙылды. Тулы мәғлүмәтте бында ҡараға була.

Яңы мәҡәлә конкурсы

05-11-2014. «Башҡорт Википедияһына 10 йыл!» — яңы мәҡәлә яҙыусылар араһында конкурс иғлан ителде.

Вики-Һабантуй 2015

23-10-2014. Башҡорт Википедияһының 10 йыллығы айҡанлы юбилей саралары — Вики-Һабантуй 2015 үткәрелеүе тураһында рәсми иғлан ителде.

Күмертау ҡалаһында уҙғарылған «Ҡала башҡорттары» халыҡ-ара конференция (17.04.2014)

• 
  Башҡорт Википедияһы ирекмәндәре Рөстәм Нурыев һәм Азат Хәлилов
• 
  Рөстәм Нурыев сығыш яһай (секция ултырышы)
• 
  Рөстәм Нурыев сығыш яһай (пленар ултырышы)

29 декабрь 2013 йыл

«Халҡым йөҙө» премияһының раҫлау ҡағыҙы.
«Һомай» дефиле-театры, 2013

Башҡорт Википедияһы «Халҡым йөҙө» исемле үҙ аллы йәштәр премияһына лайыҡ булды. Уны «Һомай» дефиле-театры тапшырыҙы.

Һиңә бөгөн — бар алҡыштар, маҡтау һүҙе. Бөгөн бит һин — Халҡым йөҙө! Халҡым йөҙө!

2-3 ноябрь 2013 йыл

БЮТ каналының Башҡорттар тапшырыуында Башҡорт Википедияһы тураһында сюжет күрһәтелде.

22 август 2013 йыл

Башҡорт дәүләт университетының Компьютер филологияһы лабораторияһы: «Башҡорт Википедияһы компьютер-лингивистик анализлау күҙлеге аша»

27 май 2013 йыл

Май айында Саха Википедияһына биш йыл тулыу айҡанылы тантаналы саралар үтте. Саха Республикаһының Мәскәүҙәге вәкиллегендә үткән сарала Башҡорт Википедияһы хакимы Рөстәм Нурыев ҡатнашты һәм саха туғандарға «Салауат Юлаев» энциклопедияһын бүләк итте.

• 
• 
• 
• 
• 
• 

17 апрель 2013 йыл

БСТ каналының Алтын Тирмә тапшырыуында тик Википедия ирекмәндәре төҙөгән һорауҙар бирелде.

16 апрель 2013 йыл

Башҡорт Википедияһына һигеҙ йәш тулды. Көн БСТ каналының иртәнге «Сәләм» тапшырыуында ҡотлауҙар менән башланды, артабан «Башинформ» мәғлүмәт агентлығында [1], «Спутник FM» радиоканалында [2], урыҫ телендәге «Викиновости» [3], «Мир энциклопедий» сайтында[4] хәбәрҙәр булды.

13 февраль 2013 йыл

30000-се мәҡәлә ҡуйылған — Күвейт. Башинформ хәбәр итә Башкирская Википедия пополнилась 30-тысячной статьей һәм Башҡорт Википедияһында — 30 мең мәҡәлә.