Ишҡолов Ғәтиәт Абдулла улы

Ишҡолов Ғәтиәт Абдулла улы (15 июль 1916 йыл — 10 декабрь 1944 йыл) — совет-фин һуғышында 1939—1940) ҡатнашҡан һәм Бөйөк Ватан һуғышында батырҙарса һәләк булған яугир, танкист, үҙйөрөшлө артиллерия ҡулайламаһы командиры, өлкән лейтенант. Советтар Союзы Геройы (1945, үлгәндән һуң).

Ишҡолов Ғәтиәт Абдулла улы
Тыуған ваҡыты

15 июль 1916({{padleft:1916|4|0}}-{{padleft:7|2|0}}-{{padleft:15|2|0}})

Тыуған урыны

Өфө губернаһы, Стәрлетамаҡ өйәҙе, Яңы Яуыш ауылы[1]

Үлгән ваҡыты

10 декабрь 1944({{padleft:1944|4|0}}-{{padleft:12|2|0}}-{{padleft:10|2|0}}) (28 йәш)

Вафат урыны

Челёвце а., Чехословакия

Хеҙмәт иткән урыны

Совет Социалистик Республикалар Союзы СССР

Ғәскәр төрө

артиллерия

Хеҙмәт итеү йылдары

1937—1940; 1942—1944

Хәрби звание
Өлкән лейтенант
Өлкән лейтенант
өлкән лейтенант
Хәрби алыш/һуғыш

Совет-фин һуғышы (1939—1940); Бөйөк Ватан һуғышы

Наградалар һәм премиялар
Советтар Союзы Геройы
Ленин ордены

Биографияһы үҙгәртергә

Ғәтиәт Абдулла улы Ишҡолов 1916 йылдың 15 июлендә Өфө губернаһы Стәрлетамаҡ өйәҙе Яңы Яуыш ауылында[1] тыуған. 4 класс тамамлай, артабан — автомеханиктар мәктәбендә уҡый.

1935—1937 йылдарҙа ауылда башта тракторист, һуңғараҡ Пугачев МТС-да механик булып эшләй[2]. 1941 йылдан — ВКП(б)-ның ағзаһы.

1937 йылда Ҡыҙыл Армияһына хеҙмәткә саҡырыла. 1939—1940 йылдарҙа Советтар Союзының Финляндия менән һуғышында ҡатнаша. Һуғыштан һуң тыуған яғына ҡайтып, 1940—1942 йылдарҙа Федоровка районында Пугачев машина-трактор станцияһында уҡытыусы булып эшләй. 1942 йылдың февраленән Бөйөк Ватан һуғышында ҡатнаша. 1666-сы үҙйөрөшлө артиллерия полкының үҙйөрөшлө артиллерия установкаһы командиры (4-се Украина фронтының 18-се армияһы). И В. Сталин исемендәге Харьков броня-танк училищеһын тамамлай (Ташкент, 1944).

Батырлығы үҙгәртергә

Ишҡолов Ғәтиәт 1944 йылдың 9-10 декабрендә үҙенең установкаһында беренсе булып Челёвцы (Чехословакия) торама пунктына бәреп инә һәм көслө, тотҡарлыҡ итеүсе артиллерия уты аҫтында өс тапҡыр дошманға һөжүм итә, танкыға ҡаршы орудиены, миномёт батареяһын, һигеҙ пулемёт нөктәләрен, ҡырҡҡа яҡын һалдатты юҡ итә[2].Ошо алышта батыр офицер һәләк була.

Өлкән лейтенант Ишҡолов 1944 йылдың 10 декабрендә Чехословакияла Челёвце торама пунктты киңәйтеүҙә күрһәткән батырлығы өсөн үлгәндән һуң Советтар Союзы Геройы исеменә лайыҡ була. Чехословакияла[3] Плехотице ауылы (Требишов ҡалаһы янында) ерләнғән.[4]

«Советтар Союзы Геройы» исеме 1945 йылдың 24 мартында бирелә.

Наградалары үҙгәртергә

Иҫкәрмәләр үҙгәртергә

  1. 1,0 1,1 Хәҙерге Башҡортостан Республикаһы, Фёдоровка районы.
  2. 2,0 2,1 Военная история башкир. Энциклопедия. Уфа, «Башкирская энциклопедия», 2013, 189 бит.
  3. Хәҙер Словакия.
  4. Мәғлүмәт ОБД «Мемориал» документтар электрон базаһында
  5. Бүләкләү ҡағыҙы «Халыҡ батырлығы» мәғлүмәт электрон базаһында
  6. Указ «Халыҡ батырлығы» мәғлүмәт электрон базаһында

Әҙәбиәт үҙгәртергә

  • Славные сыны Башкирии (очерки о Героях Советского Союза, полных кавалерах ордена Славы). — Уфа: Башкнигоиздат, 1965—1985. — Т. в 5 кн..
  • Военная история башкир. Энциклопедия.Уфа, "Башкирская энциклопедия", 2013, 189 бит.

Һылтанмалар үҙгәртергә

Ишҡолов Ғәтиәт Абдулла улы. «Герои страны» сайты.