Башҡортостандың бал ҡорто һәм апитерапия буйынса ғилми-тикшеренеү үҙәге


Башҡортостандың бал ҡорто һәм апитерапия буйынса ғилми-тикшеренеү үҙәге (БНИЦ) — Башҡортостан Республикаһының ҡортсолоҡ һәм апитерапия өлкәһендә ғилми-етештереү дәүләт учреждениеһы[1].

Башҡортостандың бал ҡорто һәм апитерапия буйынса ғилми-тикшеренеү үҙәге
Тип

Ҡалып:Comm

Нигеҙләнгән йыл

1998

Урынлашыуы

Рәсәй Федерацияһы Рәсәй Федерацияһы: Өфө, Башҡортостан Республикаһы, Менделеев урамы, 217А

Тармаҡ

Ауыл хужалығы

Сайт

bash-med.ru

Адресы: Өфө ҡалаһы, Менделеев урамы, 217А.

Структураһы үҙгәртергә

Үҙәк составында: умартасылыҡтың фәнни бүлеге — умартасылыҡ буйынса фәнни-эксперименталь станциялар умарталығы; фәнни технологиялар бүлеге — умартасылыҡ продукттарын эшкәртеү буйынса фәнни-эксперименталь цехтар; апитерапия ғилми бүлеге — Республика халыҡ медицинаһы һәм апитерапия үҙәге (2011 йылда асылған)[2].

Башҡорт тоҡомло бал ҡорто генофондын һаҡлау маҡсатында, Башҡортостандың бал ҡорто һәм апитерапия буйынса ғилми-тикшеренеү үҙәге дәүләт бюджет учреждениеһы танытма һәм патент биргән[3], дөйөм һаны 4 мең бал ҡорто ғаиләһе булған, умартасылыҡ буйынса 6 фәнни-тәжрибә станцияһы («Нуриман», «Архангел», «Ғафури», «Күгәрсен», «Ейәнсура», «Бөрйән»)[4] булдырылған һәм уңышлы эшләй.

Башҡортостандың бал ҡорто һәм апитерапия буйынса ғилми-тикшеренеү үҙәгендә 145 хеҙмәткәр эшләй (2016)[5]. Генераль директоры — Ишемғолов Әмир Миңләхмәт улы[6].

Үҙәк коммерцияға ҡарамаған ойошма булып тора һәм Башҡортостандың дәүләт милке иҫәбенә индергән[7].

Тарихы үҙгәртергә

Үҙәк 1998 йылдың 8 июлендә Башҡортостан Республикаһы хөкүмәте бойороғо нигеҙендә ойошторолған була[8]. 2000 йылда Башҡортостан Республикаһы Президенты указы менән умартасылыҡ һәм апитерапия буйынса ғилми-тикшеренеү үҙәге дәүләт бюджет учреждениеһы Республиканың умартасылыҡ һәм апитерапия өлкәһендә фән һәм етештереү проблемалары буйынса төп учреждениеһы итеп билдәләнгән[9], шулай уҡ уға умартасылыҡ буйынса инспектор хеҙмәте функцияһы йөкмәтелгән[10].

Эшмәкәрлеге үҙгәртергә

Үҙәк «Башҡорт балы» тауарының килеп сығышы урыны атамаһын файҙаланыу хоҡуғына таныҡлыҡ эйәһе[11][12], умартасыларҙың квалификацияһын күтәреү курстарын ойоштора, шулай уҡ йыл һайын — республика умартасылар конкурсы ойоштора; нәшриәт эшмәкәрлеге һәм хәйриә менән шөғөлләнә, йыл һайын Өфөлә «Баллы Башҡортостан» республика йәрминкәһен үткәреү инициаторҙарының һәм ойоштороусыларҙың береһе булып тора[13]. 2007 йылда «Тылсымлы бал ҡорто» сауҙа маркаһы аҫтында бал һәм башҡа апипродукт нигеҙендә яһалған косметика етештереү линияһы эшләтеп ебәрелә — был шампундар, душ өсөн гелдар, бит һәм тән өсөн кремдар[14].

Наградалары үҙгәртергә

Үҙәк эшләп сығарған продукция халыҡ-ара һәм бөтә Рәсәй күргәҙмәләрендә 1000-дән ашыу миҙал менән билдәләнә[15].

  • 2007 —Берлинда халыҡ- ара йәшел аҙна (Германия). Гран-при, башҡорт балы өсөн алтын миҙал һәм "Йәшел аҙна"ның махсус миҙал символы[16].
  • 2010 — «Алтын Меркурий» премияһы (Рәсәй, ТПП). «Ҡулланыу продукцияһы етештереү сфераһында иң яҡшы предприятие-экспортлаусы» номинацияһында еңеүсе[17].
  • 2016 — ҡарағай балы һәм умартасылыҡ V халыҡ-ара конгресы (Төркиә). Күргәҙмәлә гран-при[18].

Шулай уҡ ҡарағыҙ үҙгәртергә

Һылтанмалар үҙгәртергә

Иҫкәрмәләр үҙгәртергә

  1. http://npa.bashkortostan.ru/db/2012/12/201212250015.pdf 2017 йыл 1 декабрь архивланған.
  2. http://www.bash-med.ru/index.php/o-tsentre
  3. http://www.bash-med.ru/index.php/pchelovodstvo-bashkortostana/istoriya
  4. http://www.bash-med.ru/index.php/o-tsentre
  5. http://башкирская-энциклопедия.рф/index.php/2-statya/1153-tsentr-po-pchelovodstvu-i-apiterapii 2016 йыл 6 апрель архивланған.
  6. http://kurultay-ufa.ru/ru/общая-информация/председатель-исполкома-международно/
  7. http://www.bash-med.ru/index.php/o-tsentre
  8. http://www.bash-med.ru/index.php/o-tsentre
  9. http://npa.bashkortostan.ru/db/2012/12/201212250015.pdf 2017 йыл 1 декабрь архивланған.
  10. http://www.bash-med.ru/index.php/o-tsentre
  11. http://www.bash-med.ru/index.php/o-tsentre
  12. http://www.bashinform.ru/news/675565-brend-bashkirskiy-med-ostanetsya-za-bnits-po-pchelovodstvu-i-apiterapii-do-2024-goda/
  13. http://kurultay-ufa.ru/ru/общая-информация/председатель-исполкома-международно/
  14. http://www.fao.org/forestry/50052/en/
  15. http://kurultay-ufa.ru/ru/общая-информация/председатель-исполкома-международно/
  16. http://www.bashinform.ru/news/145666-gran-pri-mezhdunarodnoy-quot-zelenoy-nedeli-quot-dostalsya-gu-quot-bnits-po-pchelovodstvu-i-apiterapii-quot/
  17. http://www.bashinform.ru/m/news/279426-statuetka-zolotogo-merkuriya-vruchena-bashkirskomu-nauchno-issledovatelskomu-tsentru-po-pchelovodstvu-i-apiterapii/
  18. http://www.bashinform.ru/news/918124-bashkirskiy-nits-po-pchelovodstvu-i-apiterapii-udostoen-gran-pri-na-mezhdunarodnom-kongresse-v-turts/