Анна Линд
Илве Анна Мария Линд (швед. Ylva Anna Maria Lindh, 19 июнь 1957 йыл — 11 сентябрь 2003 йыл) — Швеция сәйәсмәне. Социал-демократик партияһы ағзаһы. 1998—2003 йылдарҙа Швеция сит ил эштәре министры.
| Илве Анна Мария Линд | |||
| Anna Maria Lindh | |||
 | |||
| |||
|---|---|---|---|
| 7 октябрь 1998 — 11 сентябрь 2003 | |||
| Хөкүмәт башлығы: | Ханс Йоран Перссон | ||
| Тыуған: | 19 июнь 1957 Швеция, Стокгольм | ||
| Үлгән: | 11 сентябрь 2003 (46 йәш) Швеция, Стокгольм | ||
| Ерләнгән: | Катарина зыяраты[d][1][2][3] | ||
| Исеме: | швед. Ylva Anna Maria Lindh | ||
| Атаһы: | Стаффан Линд[d] | ||
| Ире: | Бо Холмберг | ||
| Балалары: | Филип, Давид | ||
| Партия: | Швеция социаль-демократик партияһы[d][4] | ||
| Белеме: | Уппсала университеты[d][4] | ||
Биографияһы үҙгәртергә
Илве Анна Мария Линд 1957 йылдың 19 июнендә Стокгольм ҡалаһының Эншеде районында тыуған. Вьетнам һуғышына ҡаршы протесттарҙа һәм Швеция социал-демократик йәштәр лигаһы эшендә ҡатнашып, 12 йәшендә үк сәйәси тормошҡа сума.
1982 йылда Уппсала университетының юридик факультетын бакалавар дәрәжәһе менән тамамлай. 1982 йылда Швеция парламентына (Риксдаг) депутат итеп һайлана.
1984 йылда Швеция социал-демократик партияһының йәштәр лигаһы етәкләй, 1991—1994 йылдарҙа Стокгольм ҡала советы ағзаһы була.
1994 йылда премьер-министр Ингвар Карлссон етәкселегендәге Швеция хөкүмәтендә тирә-яҡты һаҡлау буйынса министр итеп тәғәйенләнә.
1998 йылда Швецияның яңы премьер-министры Ханс Йоран Перссон уны сит ил эштәре министры итеп тәғәйенләй. Анна Линд Америка Ҡушма Штаттарының Ираҡта уҙғарған сәйәсәтен тәнҡитләп сығыш яһай, шулай уҡ Израиль премьер-министры Ариэль Шарон һәм Италия премьер-министры Сильвио Берлускони сәйәсәттәрен тәнҡитләй. Шул уҡ ваҡытта Европа Берләшмәһенең киңәйеүе өсөн һәм Швецияның ошо ойошмаға һәм евро валютаһы зонаһына кереүе буйынса әүҙем сығыш яһай[5].
2003 йылдың 10 сентябрендә Стокгольм үҙәгендәге супермаркетта Анна Линдҡа бер кеше бысаҡ менән бер нисә тапҡыр сәнсеп ҡаса. Министр ҡаланың Каролина дауаханаһына оҙатыла, бында табибтар бер нисә сәғәт дауамында уның ғүмере өсөн көрәшә, әммә 11 сентябрҙә Анна Линд вафат була[6].
Ғаиләһе үҙгәртергә
Ире — Бо Холмберг, улдары — Филип һәм Давид.
Иҫкәрмәләр үҙгәртергә
- ↑ Ylva Anna Maria Lindh // http://www.finngraven.se/(S(d5fyhe0fuopj1e5sqe2qu5fv))/DisplayInfo.aspx?id=4361402 — FinnGraven.se.
- ↑ Anna Maria Lindh // (unspecified title)
- ↑ Katarina kyrkogård Stockholm - Anna Lindh — kulturgravar.se.
- ↑ 4,0 4,1 Ylva Anna Maria Lindh
- ↑ Биография Анны Линд. Архивировано 4 апрель 2012 года. 2013 йыл 17 декабрь архивланған.
- ↑ Панкин Б. Частная смерть Анны Линд. Российская газета.
Һылтанмалар үҙгәртергә
Викимилектә Анна Линд темаһы буйынса медиафайлдар бар.- Смерть Анны Линд. «Aкт безумия» не был случайным?
- Анна Линд: министр с рюкзаком за спиной 2003 йыл 27 октябрь архивланған.
