Әбсәләмов Ғаяс Ғүмәр улы: өлгөләр араһындағы айырма

Уны Тажикстандағы Адрасман уран руднигына эшкә ебәрәләр. Бер нисә ай смена мастеры булып эшләгәндән һуң армия сафына алына. Ленинабад ҡалаһында хеҙмәт итә. Сержант составы мәктәбендә уҡый, мәктәпте тамамлағандан һуң уны мәктәптә үҙе кеүек командирҙар әҙерләргә ҡалдыралар. Аҙаҡ взвод командиры итеп тәғәйенләйҙәр. Уран байыҡтырыу фабрикаһын, фабрика янындағы институтты һәм идаралыҡты һаҡлайҙар. 1963 йылда уның взводы ярышта бик яҡшы һөҙөмтә күрһәтә, часть командиры - полковник, алдан биргән вәғәҙәһе буйынса, уны шул көндә үк демобилизациялай. Ғаяс Әбсәләмов Башҡортостанға, Күмертау ҡалаһына ата-әсәһе янына килә (улар 1959 йылда күсеп ҡайтҡан була). Шунан һуң Адрасман руднигына эшкә китә. Унда мастер, өлкән мастер, тау эштәре прорабы булып эшләй. 1965 йылда эштән сыға һәм ҡартайған ата-әсәһен ҡарар өсөн Күмертау ҡалаһына ҡайта. Тәүҙә Күмертау брикет фабрикаһында мастер булып эшләй, 1968 йылда Күмертау вертолет заводына эшкә урынлаша. Башта слесарь ярҙамсыһы булып эшләй. Имтихан тапшырып III разряд ала. Тиҙҙән вертолет йыйыу буйынса яңы эш участогы асыла,

Ғаяс Әбсәләмовты ошо цехҡа слесарь-сигәләүсе итеп күсерәләр.

Тырыш, егәрле Әбсәләмов Ғаяс Ғүмәр улы яңынан-яңы хеҙмәт үрҙәрен яулай, биш йыллыҡтар йөкләмәһен ваҡытынан алда һәм бик яҡшы сифат менән үтәй. 1974 йылда СССР Юғары Советы Президиумының 1974 йылдың 25 мартындағы Ҡарары менән Ғаяс Әбсәләмов [[Хеҙмәт Ҡыҙыл Байраҡ ордены]] менән (№935958) бүләкләнә. Орденды Өфө ҡалаһында Шәкиров тапшыра. Тырыш хеҙмәте өсөн авиация сәнәғәте министры В. А. Казаков уны исемле сәғәт менән бүләкләй. 1980 йылда СССР авиация сәнәғәте Министрлығы һәм авиация сәнәғәте эшселәре профсоюзы Үҙәк Комитеты ҡарары менән Ғаяс Әбсәләмовҡа "Сифат отличнигы" ("Отличник качества" (№10/1471) (СССР авиация сәнәғәте Министрлығының 1980 йылдың 15 июлендәге № 536/к һанлы ҡарары) билдәһе тапшырыла. 1982 йылда СССР Юғары Советы Президиумының 1982 йылдың 12 авгусы Ҡарары менән Ғаяс Әбсәләмов Октябрь Революцияһы ордены менән (№99488) бүләкләнә. Орденды авиация сәнәғәте министры үҙе заводҡа килеп тапшыра.

 

Ҡатыны Оськина Людмила Николаевна, урыҫ теле һәм әҙәбиәте уҡытыусыһы менән ике ул тәрбиәләп үҫтергәндәр.