Камалетдинова Фәриҙә Мирсаяп ҡыҙы

Камалетдинова Фәриҙә Мирсаяп ҡыҙы (1916 йыл, 25 август — 2008 йыл, 15 ғинуар) — актриса, Башҡорт АССР-ының халыҡ артисы (1972), Башҡорт АССР-ының атҡаҙанған артисы (1964). Театр эшмәкәрҙәре союзы ағзаһы (1967).

Фәриҙә Камалетдинова
Тулы исеме	Камалетдинова Фәриҙә Мирсаяп ҡыҙы
Тыуған	25 август, 1916 йыл
Тыуған урыны	Татар Малаяҙы ауылы, Салауат районы, Башҡортостан Республикаһы, СССР
Үлгән	15 ғинуар, 2008 йыл
Үлгән урыны	Башҡортостан, Рәсәй
Ил	СССР → Рәсәй Федерацияһы
Һөнәрҙәре	актриса
Әүҙем йылдары	1935—2008
Наградалар	Башҡорт АССР-ының халыҡ артисы (1972), Башҡорт АССР-ының атҡаҙанған артисы (1964)

Тормош юлы

Камалетдинова Фәриҙә Мирсаяп ҡыҙы 1916 йылдың 25 авгусында Өфө губернаһы Златоуст өйәҙе Малаяҙ ауылында (хәҙерге Башҡортостан Республикаһының Салауат районы Татар Малаяҙы ауылы) донъяға килә. Башҡорт сәнғәт техникумын тамамлағандан һуң (1935 йыл, Х. Бохарский курсы), Башҡорт дәүләт академия драма театры актрисаһы булып эш башлай.

Төп ролдәре

• Мәрзиә («Ул ҡайтты», Әнғәм Атнабаев);
• Зөлхәбирә («Айгөл иле», Мостай Кәрим);
• Һандуғас («Зимагорҙар», Сәғит Мифтахов).

Классик драматургияла:

• Полина («Төшөмлө урын» — «Доходное место», А. Н. Островский; дебют, 1935);
• Пелагея («Мещандар» — «Мещане», Максим Горький);
• Һөт әсәһе («Ромео менән Джульетта» — «Ромео и Джульетта», Уильям Шекспир);
• Бианка («Отелло», Уильям Шекспир);
• Матрена («Ҡараңғылыҡ хөкөм һөргәндә» — «Власть тьмы», Лев Толстой);
• Агафья Тихоновна («Өйләнеү» — «Женитьба», Н. В. Гоголь) һәм башҡалар.

Уйнау оҫталығы

Уйнаған ролдәре кәүҙәләндереү оҫталығы менән айырылып тора. Ижади алымдарының үҙенсәлеге — тойғоларҙы нескә итеп асып биреү, ролде тәрән аңлап башҡарыу, лиризм.

Маҡтаулы исемдәре һәм бүләктәре

• Башҡорт АССР-ының халыҡ артисы (1972
• Башҡорт АССР-ының атҡаҙанған артисы (1964)

Әҙәбиәт

• Камалетдинова Фәриҙә Мирсаяп ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
• Хөсәйен Ҡудашев: иҫтәлектәр. — Өфө: Китап, 1993.