Баннов Геннадий Ефимович: өлгөләр араһындағы айырма

Геннадий Ефимович Баннов 1928 йылдың 28 декабрендә [[Төмән]] ҡалаһында эшсе ғаиләһендә тыуған. 1944 йылда Новосибирск тимер юл училищеһына уҡырға инә, бер йылдан һуң уҡыуын дауам итергә [[Өфө]] тимер юл техникумына күсерелә. Уны уңышлы тамамлағас, йүнәтмә менән [[Сахалин өлкәһе]]нең Александровск ҡалаһының һөнәрселек училищеһына уҡытыусы итеп эшкә ебәрелә. Аҙаҡтан Южно-Сахалинск ҡалаһында Хеҙмәт резервтарының өлкә идаралығында инспектор, һуңынан идаралыҡ совет рәйесенең урынбаҫары була.

1953 йылдан Геннадий Баннов [[Өфө]]лә йәшәй. Башта Хеҙмәт резервтары системаһында, шунан [[йылға]]сылар, аҙаҡтан полиграфистарҙың һөнәрселек училищеләрендә эшләй, 26-сы урта мәктәптә уҡыу-уҡытыу бүлеге мөдире вазифаһын башҡара. 1962 йылдан 1989 йылда хаҡлы ялға сыҡҡансы 118-се урта һөнәрселек техник училищеһында директор була. Ситтән тороп уҡытыусылар институтын һәм [[Башҡорт дәүләт университеты]]ның филология факультетын тамамлай.

Мәғариф һәм һөнәри белем биреү өлкәһендәге күп йыллыҡ фиҙаҡәр хеҙмәте өсөн «[[Башҡорт АССР-ы]]ның атҡаҙанған һөнәри белем биреү уҡытыусыһы» тигән маҡтаулы исемгә лайыҡ булған, К.  Д.  Ушинский миҙалы менән бүләкләнгән.

Геннадий Баннов йәш сағынан [[спорт]]ҡа ныҡлап ылыға. [[Башҡортостан Республикаһы]] Бокс федерацияһының рәсми сайтында мәғлүмәттә «[[Бөйөк Ватан һуғышы]]нан һуң үткәрелгән [[БАССР]]-ҙың беренсе чемпионатында ҙур уңышҡа өлгәшеүселәр» араһында уның да исеме бар. Артабан да төп эше менән бер рәттән Г. Баннов бокс менән әүҙем шөғөлләнә, [[Сахалин өлкәһе]]нең һәм [[Башҡортостан]]дың чемпионы була. Бынан төш, ул спорттың был төрөн таратыуға, пропагандалауға һәм артабан үҫтереүгә лә ҙур көс һала. Геннадий Баннов хаҡлы рәүештә республикала боксҡа нигеҙ һалыусыларҙың береһе булып танылған.

Геннадий Баннов уҙған ХХ быуаттың илленсе йылдары аҙағында әҙәби ижад менә әүҙем шөғөлләнә башлай. 1957 йылдан уның публицистик мәҡәләләре, очерктары һәм [[хикәйә]]ләре [[гәзит]]-[[журнал]]дарҙа, төрлө йыйынтыҡтарҙа даими баҫылып килә. Ул башлыса үҙе яҡшы бөлгән мөхит – — һөнәри училищеләрҙә уҡыусылар, эшсе йәштәр һәм спортсылар тураһында яҙа. [[Журналистика]]ны [[нәфис әҙәбиәт]] өҫтөндә эшләү менән тығыҙ бәйләп алып барырға көндәлек тырышлығын һала. Артабанғы бер нисә тиҫтә йыл арауығанда сыҡҡан унға яҡын [[проза]] китабында ул [[Бөйөк Ватан һуғышы]] елдәре ҡағылған быуын вәкилдәренең яҙмышын ышандырырлыҡ итеп һүрәтләй, үҙ геройҙарының эске донъяһын һәм уй-кисерештәрен асып биреүҙә үҙенсәлекле алымдар ҡуллана.

Әҙиптең «Под сенью черемухи» исемле [[урыҫ теле]]ндәге беренсе [[хикәйә]]ләр йыйынтығы [[Башҡортостан китап нәшриәте]]ндә 1970 йылда донъя күрә. «Ребята из девятнадцатой» тип аталған повесы 1973 йылда баҫыла, һәм автор уның өсөн [[Башҡортостан]] комсомолы премияһын ала.

1974 йылда Геннадий Баннов [[СССР]] Яҙыусылар союзынасоюзы]]на ағза итеп ҡабул ителә.

* Под сенью черемухи: Рассказы.  — Уфа: Башкирское книжное издательство, 1970.  — 128 с. (урыҫ.)

* Ребята из девятнадцатой: Повесть.  — Уфа: Башкирское книжное издательство, 1973.  — 214 с. (урыҫ.)

* Звезды на росстани: Повесть.  — Уфа: Башкирское книжное издательство, 1980.  — 208 с. (урыҫ.)

* Звезды на росстани: Повести.  — М.: Современник, 1985.  — 238 с. (урыҫ.)

* Висячий камень: Повести, рассказы.  — Уфа: Башкирское книжное издательство, 1987.  — 320 с. (урыҫ.)

* Эстафета: Повести.  — Уфа: Башкирское книжное издательство, 1991.  — 336 с. (урыҫ.)

* Виктория: Роман.  — Уфа: Китап, 1996.  — 254 с. (урыҫ.)

* Отзовется вдали колокольцами: Повести.  — Уфа: Китап, 2004.  — 516 с. (урыҫ.)

* К.  Д.  Ушинский миҙалы