Нәфис әҙәбиәт: өлгөләр араһындағы айырма

Лирика — бороңғо [[грек теле]]ндәге «λυρικός» һүҙенән алынған, [[урыҫ теле|урыҫсаға]] туранан-тура — «исполняемый под звуки лиры, чувствительный, лирный» тип тәржемә ителһә лә хәҙерге ваҡытта башлыса һанап үтелгәндәге һуңғы мәғәнәләре менән нығынып ҡалған һәм күп телдәрҙә, шул иҫәптән [[урыҫ теле|урыҫса]] һәм [[башҡорт]]са ла шул төшөнсәне аңлатыу өсөн ҡулланыла. Шулай итеп, лирика — кешеләрҙең эске донъяһын тәшкил иткән аңын, хис-тойғо һәм кисерештәрен, тәьҫораттарын, күңелдә улар ҡалдырған эҙҙәрен яҡтыртыуға нигеҙләнгән нәфис әҙәбиәт төрө. Лирик әҫәрҙәрҙә һүрәтләү элементтары булһа ла, төп иғтибар геройға йүнәлтелә, һәм, дөйөм алғанда, лирика шәхсән (субъектив) характерҙа булып, унда авторҙың «мин» төшөнсәһе беренсе планға ҡуйыла. Әгәр ҙә ижадсы тулы мәғәнәлә шәхес кимәленә күтәрелһә, уның әҫәрҙәре лә донъяуи әһәмиәткә эйә була. Был йәһәттән атаҡлы [[персид мәғрифәтсе — яҙыусыһы [[Саади]], [[Италия]]ның [[Яңырыу осоро]] шағиры [[Ф.Петрарка]], [[инглиз теле|инглиз]] романтик шағиры [[Байрон Джордж Гордон|Дж. Байрон]], [[урыҫ теле|урыҫ]] һәм [[урыҫ теле|урыҫ]] совет әҙәбиәте вәкилдәре [[Пушкин Александр Сергеевич|Александр Пушкин]], [[Александр Блок]], [[Сергей Есенин]], [[Владимир Маяковский]]ҙы миҫалға килтерергә була. [[Башҡортостандың халыҡ шағирҙары|Башҡортостандың халыҡ шағиры]] [[Кәримов Мостафа Сафа улы|Мостай Кәрим]] дә хаҡлы рәүештә ошондай ижадсылар исемлегендә ныҡлы урын алырға хоҡуҡлы.

 

== Сығанаҡтар ==

* Советский энциклопедический словарь: — М.: Советская энциклопедия, 1980. — 1600 с. с илл.