Якушев Владимир Владимирович — версиялар араһындағы айырма

Үҙгәртеү аңлатмаһы юҡ
("'''Якушев Владимир Владимирович''' (14 июнь 1968) - Рәсәйҙең билдәле дәүләт эшмәкә…" исемле яңы бит булдырылған)
 
Владимир Владимирович Якушев 1968 йылдың 14 июнендә [[Башҡорт АССР-ы]]ның [[Нефтекама]] ҡалаһында алыҫ араларға йөрөүсе шофер-водитель ғаиләһендә тыуған. Ете йәшендә ата-әсәһе менән [[Ямал-Ненец автономиялы округы]]ның Надым ҡалаһына күсенеп килә һәм шунда урта мәктәпте тамамлай. 1986 йылдың 26 июненән 1988 йылдың 6 июненә ҡәҙәр Совет Армияһы сафтында хәрби хеҙмәттә була һәм запасҡа ҡайтарылғандан һуң Төмән дәүләт университетына уҡырға инә. 1993 йылда был уҡыу йортоноң юридик факультетын «хоҡуҡ белеме» һөнәре буйынса, 1997 йылда — ситтән тороп иҡтисад факультетын «финанстар һәм кредит» һөнәре буйынса, иҡтисадсы квалификацияһы алып, уңышлы тамамлап сыға.
 
Үҙаллы хеҙмәт эшмәкәрлеген 1993 йылда [[Көнбайыш Себер]] комерция банкының [[Ямал-Ненец автономиялы округы|Ямал-Ненец]] филиалында юристконсультатнюристконсультант булып 1993 йылда башлай. Артабан 1994 йылдың 25 июленән 1995 йылдың 24 ғинуарынаса банк филиалы директоры вазифаһын башҡарыусы, шунан уның директоры булып эшләй. 1997 йылдың 19 майында «Запсибкомбанк» Асыҡ акционерҙар йәмғиәтенең Салехард филиалы директоры — банктың вице-президенты итеп тәғәйенләнә, 1998 йылдың 27 апреленән банктың беренсе вице-президенты, 1998 йылдың 29 апреленән «Запсибкомбанк» Асыҡ акционерҙар йәмғиәте президенты була.
 
2001 йылдың 13 июнендә [[Төмән өлкәһе]]нең Вице-Губернаторы итеп тәғәйенләнә, ул ваҡыттағы өлкә башлығы, һуңынан [[Мәскәү]] ҡалаһы мэры итеп тәғәйенләнгән [[Сергей Собянин]] командаһында эшләй. 2005 йылдың март бышында [[Төмән]] ҡалаһы башлығының беренсе урынбаҫары итеп тәғәйенләнә, 21 марттан — башлыҡ вазифаһын башҡарыусы, 14 апрелдән 24 ноябргә тиклем — [[Төмән]] ҡалаһы башлығы булып эшләп ала һәм Төмән өлкәһенең Губернаторы итеп үрләтелә.
 
2010 йылдың 12 октябрендә [[Рәсәй Федерацияһы]]ның ул саҡтағы Президенты [[Медведев Дмитрий Анатольевич|Д.А. Медведев]] тәҡдиме менән [[Төмән өлкәһе]] Думаһы тарафынан сираттағы биш йылға [[Төмән өлкәһе|өлкә]] Губернаторы итеп бер тауыштан раҫлана. Сираттағы һайлауҙарға бәйләнешле 2014 йылдың 17 майынан [[Рәсәй Президенты]] [[Путин Владимир Владимирович|В.В. Путин]] указына ярашлы [[Төмән өлкәһе]] Губернаторы вазифаларын ваҡытлыса башҡара. 2014 йылдың 14 сентябрендә үткән губернатор һайлауҙарының беренсе турында уҡ һайлаусыларҙың 87,3% тауышын йыя һәм 25 сентябрҙән – яңынан [[Төмән өлкәһе]] Губернаторы булып эшмәкәрлеген дауам итә. Владимир Якушев – [[Төмән өлкәһе|өлкә]] тарихындағы дүртенсе губернатор.
 
Юғары вазифаларҙы башҡарғанда тырыш һәм фиҙаҡәр хеҙмәттәре өсөн 2008 йылда [[Почет]] һәм 2012 йылда IV дәрәжә [[«Ватан алдындағы хеҙмәттәре өсөн»]] (2012) ордендары менән бүләкләнә.
 
2005 йылдың декабрендә «Ҡатмарлы ойошторолған төбәктең территориаль үҫеше менән программалы-маҡсатлы идара итеү» темаһына диссертация яҡлап, «иҡтисад фәндәре кандидаты» тигән ғилми дәрәжә ала.
Өйләнгән, ике бала тәрбиәләй.
 
== Сығанаҡтар ==
* [http://gubernator.admtyumen.ru/governor_to/ru/biography.htm Губернатор Тюменской области. Официальный сайт] {{ref-ru}}
 
== Һылтанмалар ==
* [http://old.fedpress.ru/lib/persons/person_36.html ФедералПресс Российско информационное агентство. Персоны: Якушев Владимир Владимирович] {{ref-ru}}
 
[[Категория:Алфавит буйынса шәхестәр]]
[[Категория:Рәсәй губернаторҙары]]
[[Категория:Иҡтисад фәндәре кандидаттары]]
[[Категория:Почет ордены кавалерҙары]]
[[Категория:IV дәрәжә «Ватан алдындағы хеҙмәттәре өсөн» ордены кавалерҙары]]
67 860

үҙгәртеү