Йәншишмә (гәзит): өлгөләр араһындағы айырма

'''Йәншишмә («Йәш төҙөүсе», «Башҡортостан пионеры»)'''  — [[башҡорт теле]]ндә баҫылған балалар һәм үҫмерҙәр өсөн [[гәзит]] (ойоштороусыһы: Башҡортостан Республикаһы Хөкүмәте эргәһендәге матбуғат, нәшриәт һәм полиграфия эштәре буйынса идаралыҡ).

[[Башҡорт теле]]ндә балалар өсөн гәзит сығарыу тураһында ҡарар [[1929]] йылдың [[12 декабрь|12 декабрендә]] партияның Башҡортостан өлкә комитетында ҡабул ителә. Ошо ҡарарға ярашлы [[1930]] йылдың [[12 февраль|12 февралендә]] балалар баҫмаһының тәүге һаны донъя күрә. «Йәш төҙөүсе» тип атала ул. Мөхәррире итеп [[Хәй Мөхәмәтйәров]] тәғәйенләнә. Яңы гәзиттә [[Ғариф Ғүмәр]], [[Мәлих Харис]], [[Рәшит Ниғмәти]], [[Ҡадир Даян]], [[Мостай Кәрим]], [[Сәғит Агиш]] һәм башҡалар әүҙем авторҙар була. [[Муса Ғәли]], [[Зәйнәб Биишева]], [[Фәрит Иҫәнғолов]], [[Шәриф Бикҡол]], [[Әнүәр Бикчәнтәев]], [[Файыҡ Мөхәмәтйәнов]], [[Фәүзиә Рәхимғолова]], [[Кәтибә Кинйәбулатова]], башҡа күп әҙиптәр сынығыуҙы тап «Йәш төҙөүсе»лә ала.

[[1931]] йылда уҡ 10 000-дән ашыу дана тираж йыйыуға өлгәшкән баҫма [[Башҡортостан республикаһыРеспубликаһы]]ның мәғариф өлкәһендә оло ярҙамсыға, тәрбиәсегә әйләнә.

[[Икенсе бөтә донъя һуғышы|Бөйөк Ватан һуғышы]] башланғас, тиражын 20 мең данаға тиклем күтәреүгә өлгәшкән гәзит сығыуҙан туҡтай.

Һуғыш йылдары үтеп, тормош бер аҙ яйлана, ил аяҡҡа баҫа башлағас, яңы быуын тәрбиәләүҙә «Йәш төҙөүсе»не тергеҙеү көнүҙәк проблемаларҙың береһе булып алға баҫа. Балалар һәм үҫмерҙәр гәзите [[1959]] йылда «Башҡортостан пионеры» исеме менән яңынан донъя күрә башлай. Мәргән, Ишғәле менән Ҡушғәле, аҙағыраҡ Гөлниса исемле үҙенсәлекле геройҙары барлыҡҡа килә. Башҡортостан пионерының үҫеп килгән быуында дуҫлыҡ, берҙәмлек, илһөйәрлек тойғолары, хеҙмәткә һөйөү тәрбиәләүҙә роле баһалап бөткөһөҙ. Уны уҡып буй еткергән балаларҙың байтағы хәҙер дәүләт эшмәкәрҙәре, сәнғәт оҫталары, яҙыусылар, журналистар, ғалимдар һәм башҡа төрлө белгестәр булып танылды.